---
title: "Sumiiffiit eqqissisimatitat"
date: "2026-08-05"
created: "2026-06-01"
---

[Saqqaa](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Immikkoortortaqarfiit](https://sermersooq.gl/kommuneqarfik-sermersooq-pillugu/immikkoortortaqarfiit)

                    [Meeqqanut Atuarfeqarnermullu Ingerlatsivik](https://sermersooq.gl/kommuneqarfik-sermersooq-pillugu/immikkoortortaqarfiit/meeqqanut-atuarfeqarnermullu-ingerlatsivik)

                    [Sammisassaqartitsivik Kulturilu](https://sermersooq.gl/kommuneqarfik-sermersooq-pillugu/immikkoortortaqarfiit/meeqqanut-atuarfeqarnermullu-ingerlatsivik/sammisassaqartitsivik-kulturilu)

                [Sumiiffiit eqqissisimatitat](https://sermersooq.gl/kommuneqarfik-sermersooq-pillugu/immikkoortortaqarfiit/meeqqanut-atuarfeqarnermullu-ingerlatsivik/sammisassaqartitsivik-kulturilu/sumiiffiit-eqqissisimatitat)

# Sumiiffiit eqqissisimatitat

Uani kommunitsinni sumiiffiit eqqissisimatitsiviusut ilai pillugit atuarsinnaavutit. Aamma Austmannadalen, Ikkafjorden aamma Akilia pillugit inatsisit, nalunaarutit nunallu assingi nittartakkami aasinnaavatit.

## Qoororsuaq

Qoororsuaq nunaminertallu tamatuma eqqaaniittut eqqissisimatitaapput.

Qoororsuup nunataa eqqissisimatitaasoq assigiinngitsunik pissuseqarlunilu assigiinngisitaarpoq, soorlu: qooqqersimaneqarpoq (Austmannadalen), qaqqaqarpoq, taseqarpoq, kuussuaqarpoq, qorlortoqarpoq, sermersuaqarpoq, narsaamanersuaqarpoq, puilasuitsumik sioraqarfeqarpoq aamma suli nunap qaleriiaarnerata ilaa ilusinikkiartortuarsinnartuuuvoq.

Tamakkorpassuit saniatigut qallunaatsiaqarfik avannarleq qallunaatsianit ukiuni akullerni najugaqarfiusimammat ujaqqanik issumillu qammakkanik illukoqarpoq. Taamatuttaaq Thulekulturimeersut piniarfigisarsimasaat tamaani inissisimapput.

Immikkut ittumik akuersissummik peqqaanngikkaluarluni Qoororsuarmiittoqarsinnaavoq, tamatumunngali atatillugu pinngitsoornani malinneqartussanik malittarisassaqarpoq.

Qoororsuarmukannginninni malittarisassat atuartariaqarpatit, tamatumunnga atatillugu paasisaqarnerorusukkuit linki ataaniittoq ammaruk

**[Qoororsuup eqqissisimatitaanera pillugu paasissutissat](https://nalunaarutit.gl/Groenlandsk-lovgivning/2008/bkg-23-2008?sc_lang=kl-GL)** amerlanerusut nittartakkami uani atuarsinnaavatit **(lovgivning.gl)**

Qoororsuup **[nunataata assinga](https://nalunaarutit.gl/-/media/lovfiler/2008/bkg_23-2008_bilag_grl-gif.gif)** uani takusinnaavat **(lovgivning.gl)**

## Ikka

Ikkap sukai asseqanngilluinnartuupput, allaallumi taakkununnga assingusunik nunarsuarmi takussaasoqanngilaq.

Kangerluup Ikkap qinngua 1000-nit amerlanerusunik immap naqqanit naasunik sukaqarpoq. Sukat pinngortitap assigiinngitsorpassuartigut pissuseqarnerata kingunerisaanik pinngorput, alutornarluinnartuuppullu.

Sukat immami nillertumi; 6ºC-itut nillissusilimmi taamaallaat naasinnaallutillu piusinnaasut ukiup ataatsip ingerlanerani meterip affaanik allisinnaappput, qajannartuummatali meterit 20-t angunagit angissuseqalertarput. Sukaqarfik 2 km2-it missaannitulli angissuseqarpoq, tassanilu uumasut pissuseqatigiiaat nunarsuarmi asseqanngitsut uumasuupput.

Piumasaqaatit Ikkami angallannermut tunngasut Ivittuut Kangilinnguillu eqqaanni nunap allanngutsaaliorneqarnissaa pillugu Namminersorlutik Oqartussat nalunaarutaat nr. 4, apriilip 12-ani 2010-meersumi allassimapput.

Ikkap **[nunataata assinga](https://nalunaarutit.gl/-/media/lovfiler/2010/bkg_nr_04-2010_bilag1-3_kn-pdf.pdf)**, Ikkap [**allanngutsaaliorneqarnissaa pillugu nalunaarut**](https://sermersooq.fra1.digitaloceanspaces.com/wp-content/uploads/2023/11/03183101/Fredning-af-et-omrA%C2%83A¥de-ved-Ivittuut-og-Kangilinnguit.pdf) paasissutissalluunniit amerlanerusut Ikkamut tunngasut nittartakkami; **[lovgivning.gl](https://nalunaarutit.gl/Groenlandsk-lovgivning/2010/bkg-04-2010?sc_lang=kl-GL)**-imi takullugillu atuarsinnaavatit.

#### Akilia

Qeqertaq Akilia eqqissisimasitaavoq. Tassa imaappoq, kikkunnilluunniit tikinneqarsinnaagaluartoq qimatsivigineqaqqusaananilu qeqertamiittunik nassartoqaqqusaanngilaq.

Akilia Kalaallit Nunaanniinnaanngitsoq nunarsuarmili tamarmi pisoqaanerpaanik ujarannguussimasunik kinneqartiterpoq. Akiliani kinnerit ujarannguussimasut ukiunik 3,85 milliardinik pisoqaassuseqarput.

**[Akiliata eqqissisimatitaanera pillugu](https://nalunaarutit.gl/Groenlandsk-lovgivning/1998/bkg-19-1998?sc_lang=da)** paasissutissat nittartakkami uani atuarsinnaavatit **(lovgivning.gl)**

Qeqertap Akiliap **[nunataata assinga](https://nalunaarutit.gl/-/media/lovfiler/1998/bkg_nr_19-1998_bilag-jpg.jpg)** uani takusinnaavat.

## Attaviguk: Sanarfinermut Avatangiisinullu Ingerlatsivik

### Sanarfinermut Avatangiisinullu Ingerlatsivik

Kommuneqarfik Sermersooq  Sanarfinermut Avatangiisinullu Ingerlatsivik  Imaneq 23B  3900 Nuuk

sai@sermersooq.gl

### Sianerit

[+299 36 74 00](tel:+299%2036%2074%2000)

### Uagutsinnut allagit

### Eqqaamassatut allagaq

                            Akiligassanut GLN-normu: 5790002423307