Ulluunerani paaqqinnittarfiit

Ulluunerani paaqqinnittarfik meeqqanut ukioqanngitsuniit arfinilinnik ukiullit tikillugit ulluunerani perorsaanermut tunngasutigut neqeroorutaavoq. Tassa sumiiffik meeqqavit perorsaasutut ilinniarsimasunik sulisoqartumik ulluinnarni paaritiffigisinnaasaa. Tassa ima paasillugu, sulisut assersuutigalugu meeqqap ineriartornera pisariaqartitaalu aallaavigalugit meeqqat peqatigalugit sammisassat pilersaarusiorlugillu ingerlattassavaat. Tamatumani siunertaavoq illit meeqqat, meeqqanik allanik ilaqarluni pitsaasumik imaqarluartumillu ulloqartassasoq.

Ulluunerani meeqqanut neqeroorutit assigiinngitsuupput. Tassani meeqqat qassinik ukioqarnersut sumilu najugaqarnersi apeqqutaapput. Neqeroorutit assigiinngitsut tassaasinnaapput:

  • Meeraaqqerivik 0-2-nik ukiulinnut paaqqinnittarfik
  • Meeraaqqanut 0-2-nik ukiulinnut angerlarsimaffimmi paarsineq
  • Meeqqanut 3-6-inik ukiulinnut paaqqinnittarfik – namminersortoq pisortallu ingerlatarisaat
  • 0-6-inik ukiulinnut init pinnguartarfillit
  • Meeqqanut 0-6-inik ukiulinnut nunaqarfimmi paaqqinnittarfiit
  • Sammisaqartitsiviit allat, soorlu meeqqanut inersimasunullu ullup ilaanut neqeroorutit


Malugiuk
Illit angajoqqaatut aalajangigassaraat meeqqat paaqqinnittarfimmi paarineqartassanersoq.

Meeqqap paaqqinnittarfimmi paarineqarnera akeqarpoq. Akiliutip annertussusissaa akissarsiatit tunngavigalugit naatsorsorneqartarpoq.

Sullissivik.gl-mi annerusumik atuaruk