Ulluunerani angerlarsimaffimmi paarsisarneq

Ulluunerani angerlarsimaffimmi paarsisarfik 0-6-inik ukiulinnut neqeroorutaavoq, inuit angerlarsimaffianni ingerlanneqartartoq. Ulluunerani angerlarsimaffimmini paarsisartoq 4-nik meeraateqarsinnaavoq. Taakkua saniatigut ulluunerani angerlarsimaffimmini paarsisartup nammineq meeqqani 6-it inorlugit ukiulik ataaseq paarsarisinnaavaa.

Ulluunerani angerlarsimaffimmi paarsisarfik kommunip meeqqanut neqeroorutaanut allanut ilaavoq, soorlu meeraaqqerivik meeqqerivillu. Tassa imaappoq ulluunerani angerlarsimaffimminni paarsisartut paaqqinnittarfinnut allanut piumasaqaatit malittarisassallu assingi malitassaraat.

Ulluunerani angerlarsimaffik paaqqinniffissaq akuerineqaqqaartussaavoq. Tassa assersuutigalugu meeqqanut inissaqartariaqarpoq, kiisalu init meeqqat najugassaat eqqiluitsuusariaqarput pujortarfiunatillu.

Ulluunerani angerlarsimaffik paaqqinniffissaq akuerineqaqqaartussaavoq. Tassa ulluunerani angerlarsimaffimmi paarsisup meeqqat paarisani timikkut, tarnikkut inooqataanerisigullu toqqissisimatittussaavai.

Ulluunerani angerlarsimaffimmi paarsisuttaaq ilaqutai akuerineqartariaqarput. Assersuutigalugu inoqutigiit tamarmiullutik ukiuni kingullerni marlunni pinerluuteqarsimassanngillat. Kommunilli ataasiakkaat sakkortunerusunik maleruagassanik peqarsinnaapput. Inoqutigiillu tamarmiullutik, meeqqanik paarsisuinnaanngitsoq, nipangiusimasussaatitaallutik. Tassa angerlarsimaffimmi paarsisoq ilaqutaaluunniit illit meeqqannullu tunngasunik inunnut allanut oqaluusereqqusaanngilaat.

Ulluunerani angerlarsimaffimmi paarsisartut ataavartumik nakkutigineqarput.

Malugiuk
Nerisassat nangilluunniit illit isumagisussaanngilatit. Taama iliortussaavoq ulluunerani angerlarsimaffimmi paarsisartoq immaqaluunniit kommune.

Allannguutit
Meeqqavit sumi ulluunerani angerlarsimaffimmi paarineqarnissaa kissaatigissallugu periarfissaqarputit. Pissutsit immikkut ittut atuutsillugit ulluunerani angerlarsimaffimmi paarsisartumiit allamut ulluunerani angerlarsimaffimmi paarsisartumut meeqqavit nuunnissaa aamma kissaatigisinnaavat.

Meeqqavit ulluunerani angerlarsimaffimmi paarsisua naammaginngikkukku paaqqinnittarfiit allaffeqarfiannut saaffiginnissaatit.

Sullissivik.gl-mi annerusumik atuaruk