Sulinermut- aamma suliffimmi sungiusarneq

Kalaallit Nunaanni kikkut tamarmik sulilernissamik periarfissaqassapput. Suliffeqaruit imminut pilersorsinnaallutillu ilaquttatit pilersorsinnaassavatit. Inuusuttut ilaat suliffik paarisinnaajumallugu pisariaqartittarpaat pisinnaasat tigussaanerusut sungiusaqqaassallugit, assersuutigalugit ullaakkut makissinnaasarnissaq imminullu akisussaassuseqarsinnaasarnissaq. Tamakku sungiusarneqarsinnaapput sulinermut- aamma suliffimmi sungiusarnikkut.

Sulinermut- aamma suliffimmi sungiusarneq Piareersarfiit ilaannit neqeroorutigineqartarpoq. Tamanna ingerlataqarfiuvoq assersuutigalugu illit ukuninnga ilikkagaqarfigisinnaasassattut:

  • Sannavimmiinneq
  • Suliffimmik paarsaqarneq
  • Ullaakkut makissinnaaneq
  • Imminut akisussaassuseqarsinnaaneq

Ilutigalugu suliaqarfigisamik kingusinnerusukkut assersuutigalugu inuussutissarsiutinik ilinniartitaaneq aqqutigalugu ilinniagarilersinnaasassat pillugu misilittaasinnaavutit.

Sulinermut- aamma suliffimmi sungiusarneq nalinginnaasumik qaammatini pingasuniit arfinillit tikillugit sungiusarluni suliffigisami ingerlanneqartarpoq. Najukkanni Piareersarfimmi aqqutissiuussisartorisat peqatigalugu sungiusarluni suliffigisinnaasat naleqquttoq ujartorsinnaavat. Aamma nammineerlutit sungiusarluni suliffissaq ujartorsinnaavat, taannalu aqqutissiuussisartumit akuerineqassaaq.

Sungiusarluni suliffigisanni sulisitsisup sulinermi- aamma suliffimmi sungiusarninni akisussaaffigissavaatit. Pineqartorli Piareersarfimmi aqqutissiuussisorisartakkat attaveqarfigisassavaa marluullutillu sulinermi- aamma suliffimmi sungiusarnissannut piareersassavaatsit.

Malugiuk
Piareersarfiit amerlanngillat sulinermut sungiusarnissamik neqerooruteqarsinnaasut.

Sulinermi- aamma suliffimmi sungiusarnerit qaammatinik pingasunik sivitsorsinnaavat illit aqqutissiuussisorisatakkallu isumaqarussi tamanna pisariaqartikkit.

Sullissivik.gl-mi annerusumik atuaruk