Nuunneq kommunimut nalunaarutigiuk

Nuunneq pillugu nalunaarut immersugassaavoq nuussatillutit immersugassat.

Nuunneq pillugu nalunaarut pisortat innuttaasunik nalunaarsuinermut atortarpaat.

Maana nuunnermik nalunaaruteqarsinnaavutit taamaallaat Kalaallit Nunaata iluani nuunniaruit. Una assersuutigalugu Danmarkimit Kalaallit Nunaanni illoqarfimmut nunaqarfimmulluunniit nuunniaruit atorsinnaanngilat, danskit kalaallillu systemii suleqatigiinngimmata.

Nuunneq nalunaarutigiuk

Nuunninniit kingusinnerpaamik ullut tallimat qaangiutsinnagit nuunneq pillugu nalunaarutigissavat.

NemID-mik peqaruit, nuunneq toqqaannartumik attaveqaatitigoortumik nalunaarutigisinnaavat.

NemID-mik peqanngikkuit, nuunneq pillugu nalunaarut immersugaq nuuffigisannut innuttaasunut sullissivimmut imaluunniit nunaqarfiup allaffianut tunniutissavat.

Nuunneq pillugu nalunaarneq akeqanngilaq.

Malugiuk

Nuunninniit kingusinnerpaamik ullut tallimat qaangiutsinnagit nuunneq pillugu nalunaarut tunniutissagakku.

Nuunneq pillugu nalunaarneq ullut suliffiusut marluk pingasulluunniit qaangiukkaangata inuit najugaasa allattorsimaffianni nalunaarsorneqartarpoq.

Kalaallit Nunaata Danmarkillu avataanut nuussaguit allamut nuunneq pillugu immersugassaq immersussavat. Tamanna kommunimi qimalikkannit innuttaasunik sullissivimmi imaluunniit nunaqarfiup allaffiani pissaaq.

Sullissivik.gl-mi annerusumik atuaruk