Inuusuttunut naartusunut aamma naartusunut atornerluinermik ajornartorsiuteqartunut – Suliniutit

Niviarsiaqqat amerlasuut meerartaartarput. Niviarsiaqqat ukiukippallaarnerat aamma misilittagikinnerat kiisalu nukissaqannginnerat pissutigalugu meeqqat taakku sumiginnagaanissamut ulorianartorsiortuupput. Meeqqat atornerluinermik ajornartorsiuteqartumik anaanallit assinganik ulorianartorsiorput.

Taamaammat niviarsiaqqat ukiukitsut naartusut aamma naartusut atornerluinermik ajornartorsiutillit kommunimit ikiorneqartarput, taamaalillutik anaanatut peqqissumik inuuneqarlutik imminnut pilersorsinnaaniassammata meeqqatillu toqqissisimasumik alliartorfissaqartilerlugit.

Ikiuineq paasissutissiinerlu
Niviarsiaqqat ukiukitsut naartusut imaluunniit naartusut atornerluinermik ajornartorsiuteqartut oqaloqatigineqartarput imaluunniit ilaqutariinnut sullissivimmut innersuunneqartarlutik, tassani ingerlanneqassapput

  • ernisussiortumit aamma meeqqanut peqqissaasumit ilisimatitsineq
  • meeqqap pisariaqartitaanik paasissutissiineq
  • angajoqqaanngornissamut sungiusarneq
  • meeqqap paaqqutarinissaanut ilinniartitsineq
  • angajoqqaatut inuusuttutut qanoq pitsaasumik inuunermik ingerlatsisinnaaneq pillugu paasissutissiineq
  • ilinniarfissamik imaluunniit suliffissamik nassaarniarnermi ikiorneqarneq
  • angajoqqaat højskole-anniinnissamut neqeroorfigineqarneq

Atornerluisoqarpat imaluunniit atornerluisoqarneranik pasitsaassisoqarsimappat, naartusumut apuunneqassapput

  • naartunerup nalaani atornerluinerup naartumut sunniutigisinnaasai pillugit paasissutissiineq
  • atornerluineq pissutigalugu aamma ilaqutariittut katsorsartinneq pillugit paasissutissiineq
  • atornerluineq unitsinneqanngippat, akuersisinneqaqqaarluni imaluunniit akuersisinneqaqqaarnani, meeqqap angerlarsimaffiup avataanut inissinneqarsinnaanera pillugu paasissutissiineq

Meeraq inunngorlaaq timimigut imaluunniit eqqarsartaatsimigut innarluuteqarpat, ikiorsiilluni suliniutinik allatut ittunik kommune suliaqassaaq.

Malugiuk
Inuusuttuuguit naartullutillu imaluunniit naartuguit atornerluinermik ajornartorsiuteqarlutit ikiorneqarnissamillu pisariaqartitsillutit, suliamik suliarinnittartumut imaluunniit ernisussiortumut saaffiginnissagavit.

Sullissivik.gl-mi annerusumik atuaruk