Ingerlaqqiffiusumik ilinniartitaanerit

Ingerlaqqiffiusumik ilinniartitaanerit tassaapput, ilinnialernissamut piareersarluni ilinniartitaanernit ingerlaqqiffiusut. Ingerlaqqiffiusumik ilinniartitaanerit annertuumik assigiinngissuteqarput. Ilinniakkat ilaat atuarfimmiinnernik sulillunilu misiliinernik nikerartillugit ingerlanneqartunik imaqartinneqartarput, taakku atorfimmut aalajangersimasumut piareersartartussaavaatsit, assersuutigalugu ingerlatsinermik tekniikerisut imaluunniit ilinniartitsisutut. Ilinniartitaanerit allat atuagarsorluni paasisassanik aallussiffiunerusarput sammisanilu suliarisartakkannut tunngasunik annerusumik ilisimasassannik tunisassallutit, assersuutigalugu inuiaqatigiilerinermi imaluunniit issittumi teknologi-mut tunngasunik.

Ilinniartitaanerit sivikinnerusinnaapput, akunnattumik sivisussuseqarlutik imaluunniit sivisuujullutik.

Ingerlaqqiffiusumik ilinniartitaanerit sivikinnerusut ukiunik marlunnik-pingasunik ingerlanneqartarput, atuarfimmiinnermik aamma sulilluni misiliinermik imaqartinneqartarlutik. Ingerlaqqiffiusumik ilinniartitaanerit sivikinnerusut aqqutigalugit assersuutigalugit ilinniarsinnaavatit:

  • Akademiøkonom
  • Serviceøkonom

Ilinniartitaanerit ingerlaqqiffiusut akunnattumik sivisussuseqartut ukiunik pingasunik-sisamat affarlu ingerlanneqartarput, atuarfimmiinnermik aamma sulilluni misiliinermik imaqartinneqartarlutik. Ilinniartitaanerit ingerlaqqiffiusut akunnattumik sivisussuseqartut aqqutigalugit assersuutigalugit ilinniarsinnaavatit:

  • Niviarsiaq/peqqissaasoq
  • Ilinniartitsisoq

Ilinniartitaanerit ingerlaqqiffiusut sivisuut ukiunik tallimanik-arfinilinnik ingerlanneqartarput, pingaarnertullu atuagarsornikkut ilinniagaasarlutik. Ilinniartitaanerit ingerlaqqiffiusut sivisuut aqqutigalugit assersuutigalugit ilinniarsinnaavatit:

  • Issittumi Teknologi
  • Inuiaqatigiilerineq


Tiguneqarnissamut piumasaqaatit
Ingerlaqqiffiusumik ilinniartitaanernut tiguneqarumaguit, ilinnialerumalluni piareersaataasumik ilinniartitaaneq naammassillugulu angusiffigisimasussaavat.

Tamatuma saniatigut soraarummiissutigisatut angusarisanni atuartitsissutinilu aalajangersimasut ilaanni agguaqatigiisitsineq aalajangersimasoq angusarisussaavat. Taamaalilluni 2010-mi assersuutigalugu, Nuummi Ilisimatusarfimmi inuiaqatigiilerineq ilinniarniaraanni, taava

  • GU-mi angusisimasariaqarpoq agguaqatigiisillugu nalilersuisarnerit nutaanngitsut atorlugit minnerpaamik 6-ersimasariaqarpoq
  • aamma matematik-kersimasariaqarpoq qaffasissutsimi B-mi

Atuartitsissutitut sammisat aamma agguaqatigiisitsinermi piumasaqaatit ilinniarfimmiit ilinniarfimmut nikerartarput. Taamaammat ingerlaqqiffiusumik ilinniartitaanermut ilinniarnermi siunnersuisartoq attaveqarfigiuk, atuartitsissutitut sammisat agguaqatigiisitsinermilu piumasaqaatit paaserusukkukkit.

Qinnuteqarneq
Ingerlaqqiffiusumik ilinniartitaanernut tiguneqarnissat qinnutiginiarukku, qinnuteqaat immersugassaq illit sumiiffinni Piareersarfimmut tunniulluguluunniit nassiutissavat. Tiguneqarsinnaanermut qinnuteqarfissamut killigititaq tassaavoq 1. marts.

Qinnuteqarnermi immersuiffissamut ilitsersuut

Malugiuk
Ilinniakkamut tiguneqarnissat qinnutigigukku, imaanngilaq ilinniartut inaannik ingerlaannartumik tunineqarnissat naatsorsuutigissagit. Ilinniartut inaannik tunineqanngikkuit, tamanna immikkut qinnuteqaatigissavat.

Ingerlaqqiffiusumik ilinniartitaanerit annertunerusumik paasisaqarfiginiarukkit www.sunngu.gl-imi atuarsinnaavatit.

Sullissivik.gl-mi annerusumik atuaruk