Imigassamik aalakoornartulimmik sassaallersinnaanermut akuersissut

Imigassamik aalakoornartulimmik sassaallersinnaanermut akuersissut, tassaavoq imigassamik aalakoornartulimmik tuniniaasinnaanermut sassaallersinnaanermullu ataavartumik akuersissut. Peqatigiiffiit, klub-it imaluunniit suliffeqarfiit imigassamik aalakoornartulimmik ataavartumik tuniniaasarnissamik sassaallersinnaanissamilluunniit kissaateqartut, imigassamik aalakoornartulimmik sassaallersinnaanermut akuersissummik peqartussaapput.

Imigassanik aalakoornartortalinnik sassaallersinnaanermut akuersissutit assigiinngitsut tallimat pigineqarput:

  • (type A) Imigassanik aalakoornartortalinnik kimittuunik aamma imigassanik aalakoornartortalinnik kimikitsunik nioqquteqarsinnaanermut akuersissut
  • (type B) Imigassanik aalakoornartortalinnik kimittuunik kimikitsunillu sassaallersinnaanermut akuersissut
  • (type C) Imigassanik aalakoornartortalinnik kimikitsuinnarnik nioqquteqarsinnaanermut akuersissut
  • (type D) Imigassanik aalakoornartortalinnik kimikitsuinnarnik sassaallersinnaanermut akuersissut
  • (type E) Mittarfiit kiosk-iini akunnittarfinnullu unnuiffiusunut piffissami nal. 06.00-imiit nal. 12.00-ip tungaanut imigassanik kimittuunik kimikitsunillu sassaallersinnaanermut akuersissut

Imigassat kimittuut tassaapput imigassat aalakoornartortallit suulluunniit 4,10 volumenprocent-inik taakkuluunniit sinnerlugit kimittutigisunik aalakoornartortallit.

Imigassat kimikitsut tassaapput imigassat aalakoornartortallit suulluunniit 4,10 volumenprocent-it aamma 2,25 volumenprocent-it akornanni kimittutigisunik aalakoornartortallit.

Piumasaqaatit
Pisortat suliffeqarfiutaasa pisiniarfii, unnuisarfiit, neriniartarfiit aamma umiarsuit, imigassanik aalakoornartortalinnik nioqquteqarsinnaanermut/sassaallersinnaanermut akuersissummik pigisaqalersinnaajumagunik, niuertutut, sanaartortutut suliffissuarnillu ingerlatsisutut imaluunniit neriniartarfiutilittut inuussutissarsiuteqartutut uppernarsaammik peqassapput.

Inummut aalakoortumut imaluunniit inummut 18-it inorlugit ukiulimmut imigassamik aalakoornartulimmik nioqquteqaqqusaananilu sassaallertoqaqqusaanngilaq. Aaqqissuussamut takkussuuttunut tamanna ersarissumik atuarneqarsinnaassaaq.

Imigassamik aalakoornartulimmik nakkartitsisarfik atorlugu nioqquteqaqqusaananilu sassaallertoqaqqusaanngilaq.

Nal. 20.00-ip kingorna inuit 18-inik ukioqalereersimanngitsut sutorniartarfinnut allanulluunniit imigassanik aalakoornartortalinnik sassaallertarfinnut iseqqusaanngillat angajoqqaaminnit, angajoqqaatut sinniisuminnit inersimasumilluunniit allamit nammineersinnaassusilimmiit nammineersinnaassuseqalersimanngitsumut immikkut akisussaaffilimmit ingiaqatigineqanngikkunik.

Sassaallertarfinni imigassaq pillugu politikki (pdf)

Sassaallertarfinni ataasiaannartumik atuuttussamik akuersissutinilu imigassaq pillugu politikki (pdf)

Sullissivik.gl-mi annerusumik atuaruk