Sulisutsialak

Suliassanik pingaarnernik naammassisaqarnissatsinnut innuttaasunullu naleqalersitsisunik sulisut pikkorissut aallaaviusumik pisariaqarluinnartuupput. Aqutsineq isumaqarpoq naammassinnissamut allat aqqutigalugit pilersitsinissaq taammaattumik sulisoqarani aqutsineq immini isumaqanngilaq. Aqutseriaaseq pitsaasoq sulisunillu malitseqartoq imminnut aallaaviupput.

Aqutseriaatsimik tunngavissap suliarineqarnerani siunnersuutit hunnorujukkuutaat siunnersuutigineqarput, Kommuneqarfik Sermersuumi sulisutsialak pitsaasoq qanoq ittuussanersoq pillugu. Sulisut aqutsisullu amerlaqataat aamma siunnersuuteqarput taakkulu kinguneri ataani allaqqapput:

  • Innuttaasoq qitiutippat kiffartuussinerlu pitsaasoq ingerlallugu
  • Pikkorissuuvutit suliffik sulinngiffillu immikoortissinnaavatit
  • Suliartortuaannartuuvutit inortuinerlu ajorlutit
  • Suliassanik naammassisinnaavutit akisussaaffigilikkannik, suliassat tigusatit imaluunniit suliareqquneqartut pillugit
  • Suliatit ilungersuutigaatit
  • Nammineq iliuuseqartarputit namminersorlutillu sulillutit kisianni aamma suleqatikkuminartuuvutit
  • Suliatigut ineriartornissaq sapiissuseqarfigaat misilittakkallu ilinniutigaatit
  • Ilinniartitserusuttuuvutit suleqatillu ikiortarlugit aamma immikkoortortaqarfinni allaniittut pineqartillugit
  • Suleqatinnut aqutsisunnullu kinguneqartussamik nalilersueqateqarsinnaavutit
  • Suleqatinnik aqutsisunnillu kinguneqartussamik nalilersorneqarsinnaavutit
  • Aqutsisut suleqatitillu oqaloqatigisinnaavatit oqallisiginagit
  • Suliffinnut tatiginartuuvutit aamma soraarnerup kingorna
  • Innuttaasut, suleqatit aqutsisullu ataqqinnillutit inussiarnersumillu naapittarpatit
  • Suliffeqarfinni allannguutinut ammasuuvutit aamma suliassanut nutaanut nikerarsinnaassuseqarputit
  • Suliffeqarfik pitsaasoq pilerseqataaffigaat sulianut tunngatillugu aammali inuiaqatigiit akornanni

Aqutsisut sulisullu qanoq sulisutsialak ittuussanersoq pillugu ataatsimut nammineq qanoq ittuussanersoq pillugu qimerluulaarnissaa iluaqutaavoq. Isumassarsialatsiaavorlu eqqartussallugu suut inunnut ataasiakkaanut gruppimullu ineriartuutaasinnaanersut innuttaasunut naleqartitsineq suli pitsaanermik pilersinneqarsinnaanersoq pillugu.