Laura Taunâjik Uitsatikitseq ·
Laura Taunâjik Uitsatikitseq
Sanarfinermut Avatangiisinullu Ingerlatsiviup apeqqutit tiguaa, imaattoq:
Ammassalik Kommuneugallarnerata nalaani piniartut eqqarsaatigalugit qimussit aqqutaat pingaarnertut inissisimasimapput. Maanna Kommuneqarfik Sermersuup atuutilerneraniit pissutsit allanngorluinnarnerat pillugit innuttaasut qinikkanut apeqqutigillattaasagaat akissutissaqarfigissallugu pissusissamisoorpoq.
Qimussit aqqutaat siulliullutik piniarfinnut aqqutissiuisuussussaanngillat?
Snescooterit piniarnermut atugassatut akuerineqarpat?
Maannamut malittarisassat piumasaqaatillu qanoq isikkoqarpat snescooterit malittarisassaanni kangiata nunataa eqqarsaatigalugu?
The administration's answer ·
The administration's answer
Asasara Laura Táunâjik Uitsatikitseq,
Snescooterit piniutitut atorneqarsinnaanersut pillugu apeqquteqaatinnut qujanaq.
Kommuneqarfik Sermersuumi snescooterinik angallanneq kommunalbestyrelsip Nunaannarmi kiisalu illoqarfiit nunaqarfiillu killeqarfiini assartuutinik motoorinik ingerlatilinnik atuineq pillugu ileqqoreqqusami malittarisassaqartinneqarput (Snescooterinut ileqqoreqqusaq). Taamaasilluni Kommuneqarfik Sermersuumi snescooterinik angallanneq taamaallaat pisinnaavoq sumiiffinni aqqutinilu ileqqoreqqusami tassungalu ilanngussami allassimasuni. Ileqqoreqqusaq ilanngussartaalu linkini ataaniittuni nassaarineqarsinnaapput:
https://sermersooq.gl/da/snescootervedtaegten/
https://sermersooq.gl/kl/snescooterinut-ileqqoreqqusaq/
Piniarneq aallaaniarnerlu pillugit Inatsisartut inatsisaat nr. 34, 13. juni 2023-meersumi §25 naapertorlugu angallassissutit motoorillit, taakkununnga ilanngullugit snescooterit, aallaaniarnerup ingerlanerani imaluunniit piniariarfimmut piniariarfimmiillu assartuinermi uumasunut 500 meterinik qaninnerusumi atoqqusaanngillat. Piniarneq aalisarnerlu pillugit Inatsisartut inatsisaat linkini ataaniittuni nassaarineqarsinnaapput:
https://nalunaarutit.gl/groenlandsk-lovgivning/2023/inatsisartutlov-nr-34-af-13_06_2023?sc_lang=da
Inussiarnersumik inuulluaqqusisoq
Søren Sohn Krog Pedersen
Sanarfinermut Avatangiisinullu Ingerlatsivimmi pisortaq