Siunertaq piginnaasallu

Sanarfinermut Avatangiisinullu Ataatsimiititaq tallimanik ilaasortaqarpoq

Sanarfinermut Avatangiisinullu Ataatsimiititap suliassaqarfiit teknikkimut avatangiisinullu tunngasut, pilersaarusiornerup ineriartortinneqarneranut, kiisalu pinngortitamut piujuartitsinissamullu tunngasuni kommunip suliassaanut tunngasut isumagisarai, taakkununnga ilanngullugit:

  • Nunaminertanik oqartussaaffeqarneq
  • Illuutinik oqartussaaffeqarneq
  • Avatangiisinut oqartussaaffeqarneq
  • Illoqarfiup pilersaarusiorneqarneranut oqartussaaffeqarneq
  • Aqqusinernut tunngasut
  • Nunat sunngiffimmi ornigarneqartartut,
  • Kommunimi innaallagissiorfiit, imeqarfiit il.il.,
  • Pilersuineq
  • Eqqaaveqarneq aamma avatangiisinut tunngasut
  • Sanaartugassat
  • Kommunip illuutaanik ingerlatsineq aserfallatsaaliuinerlu
  • Kommunip illuutaanik iluarsaaneq
  • Piginneqatigiilluni inissialiortiterneq aamma 10/40/50 atorlugu inissialiortiterneq
  • Qatserisartoqarneq.
  • Pinngortitamik illersuinermi kommunip suliassai
  • Ataatsimiititap suliassaqarfiani illuutinik ingerlatsineq

Ataatsimiititaq Aningaasaqarnermut ataatsimiititakkoorlugit Kommunalbestyrelsimut siunnersuusiussaaq inassuteqartassallunilu makku pillugit:

  • Kommunimi pilersaarusiorneq (illoqarfiup ilaanut pilersaarusiorneq aamma qanoq iliuuseqarnissamik pilersaarusiorneq il.il.),
  • Nuna tamakkerlugu pilersaarusiornermut kommunip ilanngussai,
  • Pilersuinermik suliffeqarfinni akigititat, tassunga ilanngullugit busseqarneq.

Ataatsimiititaq Aningaasaqarnermut ataatsimiititaq aqqutigalugu inissialiortiternerup annertusaavigineqarnissaanut pilersaarusianik suliaqassaaq aammalu Kommunalbestyrelsimut inassuteqaateqassaaq.

Ataatsimiititap nakkutigissavaa kommunimut iluaqutaasussamik pigisanut aalaakkaasunut pisussaaffiit pisussaaffinnullu uppernarsaanerit eqqortinneqarnissaat.

Ataatsimiititaq kommunip illuliassanut sanaartugassanullu tamanut sanaartornermi sanaartortuuvoq, tassunga ilanngullugit illunik annertuumik allanngortiterinissat aamma iluarsaanissat.

Ataatsimiititaq makku pillugit Aningaasaqarnermut Ataatsimiititaq aqqutigalugu Kommunalbestyrelsimut siunnersuusiorlunilu inassuteqaateqartassaaq:

  • Ataatsimiititap susassaqarfiinut tunngasunut ataatsimut politikki
  • Ataatsimiititap suliassaqarfiinut periusissat
  • Ataatsimiititap suliassaqarfiinut ineriartortitsinermut pilersaarutit