Siunertaq piginnaasallu

Meeqqanut, Ilaqutariinnut Atuarfeqarnermullu Ataatsimiititaq tallimanik ilaasortaqarpoq

Meeqqanut, Ilaqutariinnut Atuarfeqarnermullu Ataatsimiititap kommunimi atuarfeqarfik, ulluunerani paaqqinnittarfeqarneq, sunngiffimmi sammisassaqartitsinerup aamma kulturikkut allatut sulinerup kiisalu kulturikkut attuumassuteqartut ingerlatsivigineqarnerat isumagisassaraa, taakkununnga ilanngullugit suliassat ukununnga tunngasut:

  • Ulluunerani meeqqanut paaqqinniffissanik neqeroorutit
  • Meeqqat atuarfiat
  • Meeqqanik inuusuttunillu sunngiffimmi atuartitsineq sunngiffimmilu sammisassaqartitsineq
  • Nipilersornermik ilinniarfik
  • Kulturimut paasititsiniaanermullu
  • Kulturikkut timersornikkullu sammisat
  • Inuussutissarsiutinut ilinniartitaanerit/siunnersuinerit
  • Meeqqanut inuusuttunullu sammisaqartitsinerit ineriartuutaasut
  • Perorsaanikkut Tarnikkullu Atukkatigut Siunnersuisarfik (PTAS)
  • Inersimasunut sunngiffimmi nalinginnaasumik atuartitsineq
  • Ataatsimiititap oqartussaaffiata ataaniittut illuutit ingerlanneqarneri.

Ataatsimiititap isumagisassarai ininik atortitsisarnerit attartortitsisarnerillu kommunip illuutai peqatigiiffinnit il.il. atorneqarsinnaasut Ataatsimiititamut isumagisassanngortinneqarsimasut.

Ataatsimiititap isumagisassarai peqatigiiffinnut assigisaannullu Kommunalbestyrelsip sukumiinerusumik aalajangersagai naapertorlugit tapiissuteqartarneq aamma suliniuteqartarneq.

Ataatsimiititaq Aningaasaqarnermut ataatsimiititaq aqqutigalugu kommunimi atuarfeqarfinni ilinniagassatut pilersaarutit pillugit Kommunalbestyrelsimut siunnersuusiortassaaq inassuteqaateqartassallunilu.

Ataatsimiititaq makku pillugit Aningaasaqarnermut Ataatsimiititaq aqqutigalugu Kommunalbestyrelsimut siunnersuusiorlunilu inassuteqaateqartassaaq:

  • Ataatsimiititap susassaqarfiinut tunngasunut ataatsimut politikki
  • Ataatsimiititap suliassaqarfiinut periusissat
  • Ataatsimiititap suliassaqarfiinut ineriartortitsinermut pilersaarutit