Siunertaq piginnaasallu

Isumaginninnermut, Suliffeqarnermut Inuussutissarsiornermullu Ataatsimiititaq tallimanik ilaasortaqarpoq

Isumaginninnermut, Suliffeqarnermut Inuussutissarsiornermullu Ataatsimiititaq suliani inatsisit naapertorlugit ataatsimiititamut suliassaritinneqartut malillugit aalajangiisassaaq.

Ataatsimiititap isumagissavai suliassat kommunimi isumaginninnermut suliffeqarnermullu attuumassuteqartut aqunneqarnerat, makkua ilanngullugit:

  • Pisortanit qulakkeerinnissutitut tunniussat
  • Utoqqalinermi siusinaartumillu pensionisiaqalersitsinerit
  • Imigassamik ajornartorsiuteqarnermik katsorsaanerit
  • Inunnik annertuumik innarluuteqartunik ikorfartuineq
  • Suliffeqarnermik annertusaanerit
  • Ataatsimiititap susassagarfigisaani illuutinik ingerlatsineq
  • Suliffissarsiuussineq, matumani sulisunik tikisitsisarnermik nakkutilliineq
  • Piareersarfiit
  • Piorsaavik

Ataatsimiititaq isumaginninnermi annertusaalluni suliniutit pillugit pilersaarutinik Aningaasaqarnermut Ataatsimiititaq aqqutigalugu Kommunalbestyrelsimut siunnersuusiortarlunilu inassuteqaasiortarpoq aammalu piginnaatitsinerit ineriartortitsinermi pingaarnernik pilersaarusiornerit aamma sammisassagartitsinermut tunngasut.

Ataatsimiititap Kommuneqarfik Sermersuup Sermersuullu Inuussutissarsiorneq pillugu Siunnersuisooqatigiivisa suliassaqarfiisa avataanniittut isumagisassarai. Tassa immikkoortut makku isumagisassaralugit:

  • Oqartussaasutut suliassat, soorlu aalisarnermut akuersissutinik agguaassinerit kiisalu
  • piniarnermut, aalisarnermut nunalerinermullu tunngasuni tusarniaanermi akissuteqaasiornerit
  • Sermersuumi inuussutissarsiornermut siunnersuisooqatigiit, Destination East Greenlandip kiisalu Nanu Travelip akornanni sullissinissamik isumaqatigiissutinik akuersissuteqartarneq
  • Pineqartumi sullissinissamik isumaqatigiissutinik akuersissuteqartarneq
  • Sermersuumi inuussutissarsiornermut siunnersuisooqatigiit inuussutissarsiutit pillugit pilersaarusiaannik akuerissuteqartarneq
  • Ataatsimiitap susassaqarfiani illuutinik ingerlatsinerit.

Sermersuumi inuussutissarsiornermut siunnersuisooqatigiinnut isumaqatigiissuteqarneq atorunnaarsinneqarpat, siunnersuisooqatigiit susassaqarfii ataatsimiititaliap utertillugit tigussavai.

Ataatsimiititap Sermersuumi inuussutissarsiornermut siunnersuisooqatigiinnit inuussutissarsiornermut pilersaarusiat immikkoortunik allanik, nammineq ataatsimiititaliallu allat attuumassuteqarfigissaannut ataqatigiissartassavai.

Ataatsimiititap, Aningaasaqarnermut Ataatsimiititaq suleqatigalugu, kommunip attaveqaatitigut pisariaqartutigut aammalu inuussutissarsiornermut ineriartortitsinermut pilersaarutaasa ataqatigiinnerat qulakkiissavaa.

Ataatsimiititaq makku pillugit Aningaasaqarnermut Ataatsimiititaq aqqutigalugu Kommunalbestyrelsimut siunnersuusiorlunilu inassutegartassaaq:

  • Ataatsimiititap susassaqarfianut ataatsimut politikki
  • Ataatsimiititap immikkoortuani periutsit
  • Ataatsimiititap immikkoortuani ineriartortitsinermut pilersaarutit