Oqquiffinnik ingerlatsinissamut neqerooruteqartitsineq

Nuummi Najukkami Ataatsimiititaliap matumuuna Qinngutsinni umiatsialiviup eqqaani/Qinngutsinni oqquiffinnik sisamanik piginnittuuneq, aserfallatsaaliineq ingerlatsinerlu annertusarpaa.

Oqquiffik ataaseq, arlallit imaluunniit sisamat tamakkerlugit neqeroorutigineqarsinnaapput.

Oqquiffik ataaseq ingerlatarilerniaraanni, ingerlatsinermik nangitsisussamut aserfallatsaaliisussamullu ataasiaannartumik akiliutigineqassapput 15.000 kr.-it.

Oqquiffiit sisamaasut neqerooruteqartunut agguataarneqassapput, neqerooruteqartup suliniaqatigiiffia, aningaasaqarnera, aserfallatsaaliinissamut pilersaarutai ingerlatsinissamullu pilersaarutai aallaavigalugit.

Neqerooruteqartitsinermi atortut najukkami ataatsimiititaliap ataqatigiissaarisuanut Luvisa Kristiansenimut saaffiginnilluni pissarsiarineqarsinnaapput, e-mail: nuuklokaludvalg@sermersooq.gl

Neqerooruteqarnissamut piffissaliussaq kingulleq tassaavoq 12.12.2022



Imarisai neqerooruteqarneq

Qinnuteqaat akuerineqassappat oqquiffinnik ingerlatsinissamut neqeroorut makkuninnga imaqassaaq:

 

  • Oqquiffiit qassit ingerlakkusunnerlugit aammalu ataasiinnaq imaluunniit oqquiffiit arlallit aalajangersimasut ingerlatissanerlugit nalunaarutigineqassaaq, pingaarnersiuinerlu ilisimatitsissutigeqquneqarpoq.

 

  • Suliniaqatigiiffik/ingerlatseqatigiiffik imaluunniit peqatigiiffik paasissutissiissutigineqassaaq, imaluunniit alla neqerooruteqarnersoq, aammalu sooq taamatut ingerlataqarusunnerluni nalunaarutigineqassalluni.

 

  • Qinnuteqartup aningaasaqarneranut tunngasunik nassuiaat. Uppernarsaatigeqquneqarpoq, qinnuteqartoq oqquiffimmik amerlanerusunilluunniit qinnuteqaammini aningasatigut tunngavissaqarnersoq piginnittuunissamut, ingerlatsinissamut aserfallatsaaliinissamullu.

 

  • Aserfallatsaaliinissamut pilersaarut Nalunaarutigeqquneqarpoq, oqquiffiik arlallilluunniit neqeroorummi taaneqartut aserfallatsaalineqarnissaannut tamatumunnga ilanngullugu ingerlaavartumik aserfallatsaalineqarnissaannut piffissamilu aalajangersimasumi aserfallatsaalineqarnissaannut pilersaaruteqartoqarnersoq.

 

  • Nalunaarutigeqquneqarpoq, neqerooruteqartoq oqquiffinnik ingerlartsinissaminut taakkuninngalu ingerlatareqquneqartunik tunngasunik pilersaaruteqarnersoq. Tamatumani ilaatigut pineqarpoq nakkutilliineq, torersaaneq, igitassanik igitsiartortanrneq il. il., aammali qinnuteqartup qanoq ililluni qulakkiissaneraa, maani najugallit, takornarissat allallu oqquiffinik atuerusuttut paasitissanerlugit.

 

  • Neqerooruteqartumut nalunaarutigeqquneqarpoq, ukiumi piffissap qanoq ilinerani aammalu ulluni qassini, neqerooruteqartoq oqquiffinnik nammineq atuerusunnersoq aammalu oqquiffiit ulluni qassini piffissami sorlermi akeqanngitsumik tamanit atorneqarsinnaanersut.
Neqerooruteqarnissamut piffissaliussaq nalilersuinermilu takussutissat

Neqeroorutit Najukkami Ataatsimiititaliami ataqatigiissaarisup, Luvisa Kristiansen tigoreersimassavai kingusinnerpaamik ulloq 12.12.2022 nal 12.00.

Neqeroorutit nassiunneqarsinnaapput e-mail: nuuklokaludvalg@sermersooq.gl atorlugu aammalu neqeroorutit nammineq Kommuneqarfik Sermersuumut aggerluni tunniukkiartorneqarsinnaapput imaluunniit uunga nassiullugit Kommuneqarfik Sermersooq, Kuussuaq 2, Postboks 1005, 3900 Nuuk, att: Ataatsimiititaliami ataqatigiissaarisoq Luvisa Kristiansen.

Naliliineq

Piffissaliussap qaangiutereernerani qinnuteqaatit Najukkami Ataatsimiititaliamit nalilersorneqassapput

Najukkami Ataatsimiititaliap qinnuteqaammi nalilersuutigineqartunut allaaserisat aallaavigalugit aalajangiiffigissavaa oqquiffiit sisamaasut qinnuteqartumut ataasiinnarmut arlalinnulluunniit sulissanngortinneqassanersut, taakkunanilu oqquiffiit sisamaasut qanoq agguataarneqassanersut.

Suliakkiussinerit neqerooruteqartup suliniaqatigiiffia, aningaasaqarnera ingerlatsinissamut aserfallatsaaliinissamullu pilersaarutaa aammalu oqquiffiit nammineerluni tamaniillu atorneqarnissaannut pilersaarut aallaavigalugit ataatsimoortillugit nalilersorneqassapput.

Najukkami Ataatsimiititaliaq neqeroorutinik tamanik itigartitsisinnaanissaminut pisinnaatippoq.