Pisortani suliassaqarfiit arlaqartut atortulersuutitut pisariaqartutut taaneqarput. Ilaatigut eqqagassalerineq tassani eqqarsaatigineqarpoq, tassami innuttaasut suliffeqarfilluu eqqagassatik igissinnaassariaqaramikkit.

Eqqagassaleriffik ingerlatsinerup ingerlaannarnissaanut pilersaarusiorpoq. Pilersaarut taanna sulisut suleriaasiannut atatillugu tamanillu tikinneqarsinnaasuni angalasarneranut kiisalu innuttaasut suliffeqarfiillu eqqagassaleriffimmik atuineranik pisariaqartumik killisersimaartitsinissamik suliniutissanik imaqarpoq.


Matumani innuttaasunut inuussutissarsiorfinnullu suliniutit attuumassuteqartut malinneqassapput.


  • Innuttaasut suliffeqarfiillu Eqqagassaleriffiup allaffeqarfianut aggerlutik saaffiginnissinnaajunnaarput. Eqqagassaleriffimmut saaffiginnissutit tamarmik oqarasuaatikkut +299 36 74 11, nal. 09.00-16.00 akornanni, imaluunniit e-mailikkut: affald@sermersooq.gl ingerlanneqassapput.

  • Innuttaasut suliffeqarfiillu eqqakkanik aggiussisinnaanerannut ammasarneq sivikillisinneqarmat sapaammi matoqqasalerpoq.

  • Ammasarfii nutaat:
    • Ataasinngorneq – tallimanngorneq: 07.00 - 17.30
    • Arfininngorneq: 09.00 – 14.00.

Innuttaasunut suliffeqarfinnullu malittarisassanik sukaterinerit allanik saqqummiissoqaqqinnissaata tungaanut atuutissapput.