Aasaanerani atuanngiffeqarnerup nalaani aaqqissuussinerit: Arsaq isertiguk, kiagugit aalisakkatullu nalloritsigigit

Aasaanerani atuanngiffinngorpoq tamannalu piffissaqarluartitsilerpoq. Taavami sulerissavit? Kommuneqarfik Sermersooq assigiinngitsunik pilersaarutinik arlalinnik aaqqissuusaqarpoq. Timersornissaq soqutigigukku una allaaserisaq atuaruk.

Messitut, Ronaldotut imaluunniit Mikkel Hansenitut misigineq maqaasigukku, tusarluagassaqartippatigit. Aasammi ingerlanerani arsaattarfimmi arsamik isertitsisarfiit timersortarfimmilu assammik arsarluni isertitsisarfiit isertitsiffiginissai periarfissaavoq. Assammik arsaannerit aallarterlaanut misilittagaqartunullu immikkoortinneqassapput.

Bruce Lee-unerit Tae kwon domi ilinniartitsinermi timi atorlugu unamminissamut sungiusarit , imaluunniit kammalaatitit Malimmi nalunnermi unamminermi qimarratigikkit. Naluttarfimmi qulliit atorlugit aamma takutitsisoqartussaavoq, taakkua isiginnaarnissai soqutiginerussagukkit.

Ataani aaqqissuusat assigiinngitsut qaqugu sumilu ingerlanneqassanersut takusinnaavatit. Nittartakkakkut ugguuna peqataanissamut nalunaartoqassaaq,tassani aamma sammisassaqartitsinerit ataasiakkaarlugit misissuiffigisinnaavatit. Aaqqissuussanut arlariinnut peqataaniarlutit nalunaarsinnaavutit.

Assammik arsarnermik ilinniarneq – aallarterlaanut

Ulloq: sap.ak. 27 / 28 - paasissutissat sukumiinerusut takkukkumaarput.

Sumi: Inussivik/Nuummi Illorsuaq Timersortarfik


Håndbold camp-assammik arsarnermik misilittagallit

Ulloq: sap.ak. 27 / 28 - paasissutissat sukumiinerusut takkukkumaarput.

Sumi: Inussivik/Nuummi Illorsuaq Timersortarfik


Naluttarfimmi qullernik takutitsinerit (Peqataanissamut nalunaarnissaq pisariaqanngilaq)

Ulloq: 17. juuli  aamma 7. aggusti:

Sumi: Naluttarfik Malik


Naluttarfimmi Nalunnermik unammisitsinerit

Ulloq: 3. juuli

Sumi: Naluttarfik Malik


NBU Fodboldskole

Ulloq: 5-7. aggusti.

Sumi: Nuup Arsaattarfia

Tae kwon domik ilinniartitsineq


Piffissaq: 13-17-juuli

Sumi: USK Niviarsiqqat sungiusartarfianni