Tasiilami inuusuttut piumassuseqarluartut maajip ulluisa 27-anni illoqarfimmi saliinermi peqataapput siuttuullutillu, iluatsitsinerullu nangeqqinnissaanut ullorsiutini marlunnik krydsiliisoqareerpoq.
Nammineq kissaatigisaqarnertik tunngavigalugu Inuusuttut Kulturikkut Illorsuanni Igdlomi aqutsisut Najukkami Ataatsimiititaliap Tasiilap illoqarfiani maajip ulluisa 27-anni illoqarfimmi saliisitsinissaanut pilersaarusiornermi saliinissamilu peqataatinneqarput. Inuusuttut arfineq-marluk suleqatigiinni aqutsisussatut toqqarneqarput, taakkulu illoqarfimmi sumiiffinni tamani saliineq immikkut aqutarivaat, aammalu kajumissutsimik ikiuuttut maangaannaq eqqakkanik saliinerminni imminnut qanillinaveersaarput.
Saliineq nal. 16.00 – 19.00 ingerlanneqarpoq, taamaanneranilu allaffimmi betjentit imermik puussiarsuarnillu peqartuarnissaat isumagisarpaat.
Saliineq naammassimmat, katersat eqqaavissualiaanneqarnissaat Materialegårdimit isumagineqarpoq. Tamanna pereermat saleeqatigiit tamarmik akornanni tunissutissat marluk makitsissutigineqarput.
Saliinerup takutippaa illoqarfik saligaannerusoq aammalu akunnerni pingasuni innuttaasut illoqarfimminnik kusassaanerminni nuannisaqatigiipput. Taamatut iluatsitsilluarneq soorunami nangeqqinneqartariaqarpoq, tamannalu pissaaq juuni ulluisa 17-ianni aggustillu 26-anni. Suliarisimasassinnut qujanaq!