Angalanissamut aningaasaateqarfimmut qinnuteqarnissaq kinguartinneqarpoq

Angalanissamut aningaasaateqarfimmut qinnuteqarnissamut piffissaritinneqartoq kinguartinneqarpoq. Qinnuteqarnissamut siusinnerusukkut piffissaliunneqartoq atorunnaarsinneqarpoq, innuttaasullu massakkut apriilip ulluisa 30-ata tungaanut qinnuteqarsinnaalerput.

Kalaallit Nunaanni angalaqqusinnginneq massakkut atuuttoq pissutigalugu, Kommuneqarfik Sermersuumi angalanissamut aningaasaateqarfimmi akisussaasunit aalajangerput qinnuteqarfissaq kinguartinneqassasoq. Taamatut iliortoqarpoq innuttaasut angalanissaminnik pilersaarusiorluarnissaat periarfissaqartikkusullugu.

Kommuneqarfik Sermersuup angalanermut aningaasaateqarfia kommunip nittartagaani annertunerusumik una toorlugu atuarsinnaavat:

Angalanermut Aningaasaateqarfik