Ullumi ataasinngornermi decembarip ulluisa 14-ianni Nuummi kommuunip allaffiani Luciartoqarpoq.
Nalunaaqutaq arfineq-sisamanut Nuummi kommuunip allaffiani allaffiisa qullii qaminneqarput, meeqqallu Iluartoq Lucia pillugu erinarsorpalunnerat qanilliartorusaartoq tusaaneqarsinnaalerluni.
Meeqqat Iluartoq Luciamik erinarsortut tassaapput Atuarfik Ukaliusami atuartut, taakkulu erinarsornerat kommuunip allaffiani sulisuusunut qungujutsitsivoq. Taamaasillutik kommuunip allaffiani sulisut ataasinngorneq nalinginnaasumiit allaanerusoq, aallartilluarnerusorlu misigivaat.
Meeqqat Iluartoq Lucia pillugu erinarsoreeramik kommunalbesytrelsep ataatsimiittarfiani mamartunik tunineqarput.