Ukaleq Slettemarkip takutitsilluarsimanera angisooq Kalaallillu Nunaanni inuusuttunut allanut maligassiuinera pillugit nersorneqarpoq
Angusarpassuarmi kusanartut ilaanni 17-inik ukiulik inuusuttut nunarsuarmi pissartanngorniunneranni sisorarluni ooqattaasarnermi 2019-imi januaarip qaammataani kuultinnappoq. Nunarsuarmi pissartanngortup takutitsinera kusanartoq pillugu Kommuneqarfik Sermersuumi ilassinnittoqarpoq.
Borgmesteri Charlotte Ludvigsen: ”Ukaleq Slettemarkip angusaa angisoorujussuuvoq. Kalaallip nunarsuaq tamakkerlugu pissartanngornera qaqutigoortupilussuuvoq, taamaattumillu inuusuttut maligassiuisut tapersersornissaat pingaaruteqarpoq. Taamaattumik ullumikkut Ukaleq nalliuttorsiutigaarput.”
Ilassinneqatigiinnerup ingerlanerani Ukaleq aaqqissuussamut qujavoq imalu oqaaseqarluni: ”Taamatut angusaqarneq inunnit pingaartinneqarnera malugalugu assut nuannerpoq, neriuppungalu Kalaallit Nunaanni timersornermi ineriartornermut soqutiginninnermullu iluaqutaajumaartoq. Uanga nammineerlunga nalunngilara angusaq qanoq angitiginersoq, ilungersuutiginikooqaarami.”
Taaguut inuuneranut sunniuteqarsimanersoq siunissamullu pilersaarutai pillugit Ukaleq oqarpoq: “Eqqumiikkaluartumik inuunera siornatigutut nunarsuarmilu pissartanngorniunnerup kingorna assigiiginnarput, apersuinerit amerliinnarput. Ukiup massuma ingerlanerani ukiullu nutaap aallartinnerani unammiffissarpassuaqarpunga, taamatullu ingerlaannassamaarlunga.”
Aaqqissuussamit assit ataani takukkit.