Maanna aasarpoq, aput aappoq taavalu upernaaq manna saliinissarsuaq eqqiaanissarsuarlu piffissanngorpoq. Eqqagassaleriffimmi aasaq manna siullermeertumik eqqagassanik annertuunik maajip 20-anili katersilluta aallartippugut, tamannalu juunip 7-ata tungaanut nangillugu ingerlanneqassaaq. Taamaattumik pigisat atorfissaarutatit igitsikkiartornissaannut suli periarfissaqarputit.
Nuummi illit nammineq pigisatut inigisaqaruit ukiumut marloriarlutit akeqanngitsumik igitassanik annertuunik najugaqarfivit eqqaaniittunik aallertitsisinnaavutit. Tamanna upernaakkut ukiakkullu ingerlanneqartarpoq. Upernaaq manna katersineq aallartilluareerpoq, maannalu takusinnaalereerparput amerlasuut taamatut aaqqissuussineq aammalu piffissaq tamanna amerlasuut namminneq najugaqarfimmik eqqaanni saliinermut eqqagassaatiminnillu igitsiartortitsinissamut atorluarsimagaat takusinnaalereerparput.
Eqqaamalluguli eqqagassat annertuut aatsaat nalunaarutigigukku aaneqassammata. Eqqagassanik aallertitsiniaruit Eqqagassalerivimmut ullut tamaasa uunga sianersinnaavutit 36 74 11 imaluunniit uunga allassaatit affald@sermersooq.gl Nalunaaruteqareeruit piffissamik aallerfissamik tunineqassaatit nal. 17-20 akornanni tamanna pisarpoq, mailikkullu uppernarsaammik nassinneqassaatit. Nammineq pigisamik inissiaatillit imaluunniit piginneqatigiillutik inissiaatillit ataatsimoorlutik taamatut nalunaarnissamik atorluaanissaannik kaammattorusuppavut, namminnerlu eqqaminni saleeqqullugit.
Inissiani attartortittakkani najugaqaruit qinnuigaatsigit attartorfigisat attavigeqqullugu, taassuma eqqagassaativit qanoq ilillutit igitsinnissaat pillugu oqaluttuutissavaatit. Kommunimi nunaqarfiit illoqarfiillu ilaanni najugaqaruit innuttaasunik sullissivimmut saaffiginneqquneqarputit, tassannga eqqagassaativit qanoq ilillugit igitsinnissaat pillugu oqaluttuutissavaatit.