Innuttaasunut

Najukkami Ataatsimiititaliat innuttaasunut qaninnerorusupput

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Kommuneqarfik Sermersuumi Najukkami Ataatsimiititaliat sisamaasut Nuummi isumasioqatigiipput.

Paamiuni, Tasiilami, Ittoqqortoormiini Nuummilu Najukkami Ataatsimiititaliami ilaasortat 22-t Nuummi katersuullutik isumassarsioqatigiillutillu misilittakkanik avitseqatigiipput.

Najukkami Ataatsimiititaliani ilaasortat taakkuupput innuttaasunut sinniisuusut, najukkanilu ineriartortitsinissamik suliniutinik sammisassanillu aallartisaasartussaapput.
Najukkami siunissami takorluukkat anguniakkallu isumasioqatigiinnermi eqqartorneqarput.
Najukkami innuttaasunut aaqqissuussinerit suliniutillu qitiutillugit peqatigiinnerunissaq inuunerinnerulernissarlu eqqarsaatigalugit innuttaasut najukkami ataatsimiititaliamik suleqateqarnerunissaannik qanoq kaammattuisinnaanerlutik Najukkami Ataatsimiititalianit pingaarnerutinneqarpoq.

Najukkami najugallit, peqatigiiffiit aamma kommunimi qinikkat suleqatiginerisigut Najukkami Ataatsimiititaliat suliniutinik sammisassanillu aallartisaassapput, soorlu inissatigut atugassarititaasunik najukkamilu avatangiisinik pitsanngorsaanerit imaluunniit peqqinnermut, angallannermut, timersornermut, meeqqanut, inuusuttunut, utoqqarnut, kulturimut sunngiffimmullu tunngasunik sammisassaqartitsineq.