Multi Kulti 2019-imi pilersaarut piareerpoq peqataanissamullu qaaqqusaavutit

Multi Kulti festivalip - Nuummi kulturikkut assigiinngisitaarnermik nalliuttorsiorfigisatta, pingajussaanik ingerlanneqarnissaa, sisamanngornermi apriilip 4-niit sapaat apriilip 7-at tikillugu pissaaq. Qitiusumik sammisat sisamat iluini festivali ingerlanneqassaaq Kommuneqarfik Sermersoorlu aaqqissuusseqataasut peqatigalugit, sammisassanik 25-nit amerlanerusunik katiterisimavoq, illillu innuttaasutut peqataasinnaavutit.

Illorput ilaatigut puisip amianik nunarsuup assiganik sanatitsisimavoq, tassani nalunaaqutsersinnaavat illit suminngaanneernerlutit nunarsuullu assigata qanoq atserneqarnissaanik siunnersuusiorlutit. Illorpumi aamma aaqqissuussamut kalattoornertalimmut line dancemillu qitinnertalimmut peqataasinnaavuit, nerisassiornermiluunniit work shopit ingerlanneqartut ilaanni nerisassiat nunarsuup sinneraneersut misilerarsinnaavatit.

Sammisassat meeqqanut naleqquttut arlallit illoqarfimmi sumiiffinni assigiinngitsuni aamma toraarneqarsinnaapput. Nunatta Atuagaateqarfiani arfininngornermi saqqummersitsisoqassaaq sianiutitigut pinnguarfiusumik, filmertarfeeraq sisamanngornermiit arfininngorneq tikillugu ingerlanneqassaaq, tassani isiginnaagassiat nunat kulturillu allat pillugit isignnaarneqarsinnaallutik.

Pilersaarut Multi-Kulti -mi takusinnaavat, tassani aamma sammisatut qulequtarineqartut ukioq manna suunersut takusinnaavat.

Multi Kultimut allagartarsualiaq

Sapaatip akunneri marlussuit matuma siorna Multi Kultimut peqataanissassinnut qinnuigaatsigit, tassani Facebookimi assitarisassi allagartuarsuarmut atornissaannut akuersissummit qinnuigigatsigit. Allagartarsuaq naqinneqarsimalerpoq kommuunillu allaffiata iigaani nivingasussanngorluni. Allagartarsuaq Nuummi kulturikkut assigiinngisitaarnermut takussutissiaavoq, tamaanimi 50-it sinnerlugit assigiinngitsunik sumiuussusillit najugaqarput.

Sapaatip akunnerata tulliani pisussat ilaat pillugit maani sermersooq.gl -mi atuagaqarsinnaassaatit. Multi Kulti 2019-mi takuss!