Tasiilami meeraaqqerivimmik pilersitsisoqalerpoq

Meeqqanut Atuarfeqarnermullu Ingerlatsiviup Tasiilami meeraaqqerivik "Amaagajaaq" pilerseqqilerpaa, utaqqisunut allattorsimaffimmi allatsissimasut inissarsissukkumallugit.

Kommuneqarfik Sermersuup Tasiilami meeraaqqerivik ”Amaagajaaq” pilerseqqilerpaa, utaqqisunut allattorsimaffimmut allatsissimasut periarfissinniarlugit.

Taamaasilluni meeqqat 24-it decembarip qaammataata qiteqqunneraniit sulisussanik atorfinitsitsisoqarniariarpat paarineqarsinnaalissapput.

”Inissaqartitsivittoqarsimanngilarmi, taamaattumik Tasiilami meeqqanut 24-inut inissalimmik paarsiffissamik pissarsiniariaratta taanna iluatsipparput, Michael Rosing, Meeqqanut Atuarfeqarnermullu Ataatsimiititami siulittaasoq unnersiorpoq.

Init siunertamut atorneqartussat qatserisartunit akuersissutigineqareerput, taamaasillunilu Amaagajaaq illoqarfimmi meeqqanit atorluarneqarsinnaalissaaq.


Meeqqat siunissaat pillugu aningaasaliissutaavoq

Suliassat eqqarsaatigalugit ammaaqqinnerup kingunerissavaa, amerlanerit ilaqutariittut inuunerminnik ataqatigiissitsinerulernissaat, peqatigitillugulu meeqqat, immikkut tapersersorneqarnissaminnik pisariaqartitsisut isumagineqarsinnaalissapput.

Tassami kommunimi misilittagarineqartut takutippaat, suliniutit taamatut ittut sapinngisamik piaartumik aallartinneqartarnissaat pingaarutilerujussuusoq.


Init atorneqartussat iluatsissapput

Ukiuni kingullerni init tassaniittut atornerluisunut katsorsaavittut aammalu Namminersorlutik Oqartussat kingulerutsitsisunut tarnip pissusiinit ilisimasalinnit oqaloqatiginnittarfittut atorneqarsimapput, suliallu tamakkua nangeqqinnissaat pingaaruteqarpoq.

Siullermik pilersaarutaasimavoq katersortarfiup atornerluisunik katsorsaaviup pikkorissartitsinerinut atorneqarnissaa. kingunerlutsitsisimasunullu tarnip pissusiinik ilisimasalinnit oqaloqatiginnittartut kommunip allaffiani allaffittaavinnissamik tungaanut ininik atuisinnaasut.