Innuttaasunut

Itinerinnarmi tusarnaartitsineq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Qaammaqqutit sakkukillisimapput, sisamanngormallu Naluttarfik Malimmi nipilersortut appimmata nalukkiat qittaserput. ’Itinerinnarmi tusarnaartitsineq’ Nuuk Nordisk Festivalip ilagivaa, Nuummi sapaatip akunnerata siuliani ingerlanneqartoq, Nunanillu Avannarlerniit tamanit eqqumiitsuliortut katersuuffigisaat.

Nalukkiat 100-rluinnangajaat takkussimapput nipilersuullu elektroniskiusoq naluttarfimmi tusarnaarlugu. Takkuttut tassaapput nalukkiartartut, aammali ilaqarput nutaanik, elektronskimik tusarnaartitsinermi eqqumiitsuliortunik HULDA, Jensia, Noosfære aamma Fiona tusarnaariartunik.

Timimut tarnimullu misigititsipput. Takkuttut ilai nalorusaarput nipilersuummullu eqqissiivillutik tusarnaarlutik, allat naluffissani qitittarfiliortut allallu naluffissat avataanni nipilersuummik tusarnaarujoorput.