Innuttaasunut

Qamutit issiavittut atugassat

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Destination East Greenland issiavinnik arfineq pingasunik sanatitsisimapput, issiaviit taakkua tunumiut qamutaattut ilusilersugaapput Tasiilallu illoqarfiani inissinneqarsimallutik.

Pisortaq Iddimanngiiu Bianco: – Qamutinik qulinik sanatitsisimavugut. Arfineq pingasut illoqarfiup iluaniipput, isikkivilimmut inissitaallutik immaqaluunniit inuit pisuttuartillutik qasuersaalaarniaraangamik uninngasarfigisartagaannut inissinneqarsimallutik. Issiaviit innuttaasunit nuannarineqaqaat aammalumi takornarianik alutorineqarluartarput.

– Umiarsuit tikikkaangata marluk umiarsualiviup eqqaanut inissinneqartarput, Iddimanngiiu Bianco oqarpoq.

Destination East Greenland Kommuneqarfik Sermersuup Tunumi inuussutissarsiutinit aningaasaliissutinit tapiiffigineqarsimapput.