Innuttaasunut

Kunngissap 50-nik ukioqalerluni inuuissiornera

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Ullumi Kunngikkormiutut Ataqqinassusilik Kunngissaq Frederik 50-inik ukioqalerpoq, amerlasuullu soorlu nalunngikkaat, Kunngissap Kalaallit Nunaat annertuumik uummateqarfigaa.

Maannga tikeraartarsimanerpassuinit tamanna malugisarsimavarput, Kalaallit Nunaat qanimut takusinnaasarsimammagu ilaatigut qimussimik angalalluni ilisimasassarsiortunut peqataasarnermigut Siriuspatruljemullu tikeraartarnermigut.

Ippassigami Nuummi Kunngissap ullorsiornissaata nalliussisinneqarnera aallartipparput, Royal Runimut peqataanitsigut, taamatallu kunngikkormioropalaartumik arpatsitsineq, angutip timersornermik, sunngiffilerinermillu taamak nuannarisaqartigisumik nalliuttorsiutigineqarnissaanut tulluarluinnartuuvoq.

Nuummi arpatsitsineq assut iluatsilluarpoq, ersarissumillu takutinneqarpoq, Kunngissap Kalaallit Nunaannut asanninnera assiganik illuatugilerneqartoq.

Kommuneqarfik Sermersooq sinnerlugu Kunngikkormiusut Ataqqinassusilik Kunngissaq Frederik nuannersumik ullorsiornissaanik siunissamilu peqqinnissaanik kissaapappara.

Maani avannaani tiekraarneqaqqittarnissarput qilanaaraarput.

Borgmester, Asii Chemnitz Narup.