Nuuk: Sullorsuaq ullumi nalunaaqutaq 15.00 ammassaaq

Nuummi sullorsuaq ualeru biilertunit atorneqarsinnaalissaaq.

”Sullorsuup pisuinnarnit motorilinnillu angallattunit isumannaatsumik atorneqarsinnaalersoq maanna nalilerparput. Sukkassutsimulli killigititat malinneqarnissaat aqquserngullu qanoq innerata eqqumaffigineqarnissaa angallattunut maluginiaqquvarput, sullorsuarmi aqqut suli sermeqarmat,” Kommuneqarfik Sermersuumi ingerlatsinermi avatangiisinullu pisortaq Frank Rasmussen oqarpoq.

Aqquserngup aaqqissorneqarnerani sullorsuup matugallarneqartarnissaa angallattut naatsorsuutigissavaat.

”Sullorsuup matugallarneqartarnissaa angallatileruttorfiup avataani pisassasoq naatsorsuutigaarput,” Frank Rasmussen oqarpoq.