Nagtoralimmiut Nuummi guultinnattareerlutik angerlamut tikimmata tikilluaqquneqarput.
Nagtorallip isikkamik arsarluni sulorarlunilu immikkoortortaqarfii ullumi Paamiunut angerlarlutik tikipput tikilluaqquneqarluarlutillu. Kommuneqarfik Sermersuumi kommunalbestyrelsemi ilaasortaq Henrik Rachlev, timersoqatigiiffiup isikkamik arsarluni immikkoortortaqarfianiit Ulrik Mathiesen sulorartartullu immikkoortortaqarfianiit Elias Petersen pissartanngortunik tikilluaqqusinermi oqalugiarput.
Timersoqatigiiffiup futsalimik unammisartui, Kalaallit Nunaani arnat utoqqasaat siullermeerlutik pissartanngorniuunneranni pissartanngorput. Taakkua finalemi I-69 Ilulissaneersoq 1-0’mik ajungaaffigisimavaat.
Futsalertartut kisimik ujaminnassimallutik Paamiunut tikinngillat. Tassami timersoqatigiiffiup sulorartartui Nuummi kredsmesterskabeqarnerani aamma angusaqarluarsimapput. Sulorartartut Paamiuneersut arfinillinik guultinnassimapput sytteninillu sølvinnassimallutik.
Enok Poulsen tikilluaqqusinermik naggasiilluni nipilersukkanik marlunnik tusarnaartitsivoq.