”Meeqqanut Ilaqutariinnullu Ingerlatsivimmi ineriartortitsinissamut pilersaarutip atuutilernissaata siammarterneqarneranut atatillugu, immikkoortortaqarfiit akornini suleqatigiinneq annertusiartussaaq pitsanngoriartorlunilu,” Uju Petersen, Kommuneqarfik Sermersuumi Meeqqanut Ilaqutariinnullu Ataatsimiititami siulittaasoq oqarpoq.
Qaammami uani Meeqqanut Ilaqutariinnullu Ingerlatsivik politiinik ataatsimeeqateqassaaq. Tassani oqaloqatigiinneq nakuusernerunngittoq qulequtarineqassalluni.
Februarip naanerani martsimilu atuarfiit, meeqqeriviit, peqqinnissaqarfik politiillu Kommuneqarfik Sermersuup kalerriisarfiani suleqatigiinnermut ilaatinneqalissapput. Kommuni ilaatigut kalerriinerit sunik imaqartartussaanerinik nassuiaasumik quppersakkamik agguaassaaq.
Kalerriisarfiup qularnaartussaavaa, meeqqat tapersersorneqarnissaannut inatsimmi nutaami kalerriutinut killissarititat Kommuneqarfik Sermersuumit eqquutitinneqarsinnaanissaat, kalerriutillu tamarmik kommunimit assigiimmiK ataqatigiissaagaasumillu suliarineqartarnissaat.
”Suleqatigiinnermik annertusaataassaaq, susassaqarfiillu assigiinngitsut akornanni, meeqqat pisariaqartitaasa tusaaniarnerini annertunerusumik suleqatigiinnissamik MIO-mit kaammattuummut tusaaniarsimanitsinnik ersiutaalluni,” Uju Petersen oqarpoq.
Paasissutissat annertunerusut:
Martha Lund Olsen, Kommuneqarfik Sermersuumi Meeqqanut Ilaqutariinnullu Ingerlatsivimmi pisortaq, oqarasuaat 48 58 50