Aningaasaliisussarsiorneq pillugu ilisimasaqarnerulerit!

Fonde.dk atorlugu aningaasaliisussarsiornernik suliniuteqarnersi tulluarsarlugu pitsanngorsarsiuk.

FONDE.DK

Kommuneqarfik Sermersooq fonde.dk-imut Danmarkimi nittartakkakkut aningaasaliisussarsiortarfiit annersaannut ilaasortaanermik pisivoq. Nittartagaq sammisat assigiinngitsut soorlu kulturimi, pinngortitami, sunngiffimmi, aallartisaanermi, utoqqarnut, meeqqanut, illussanik titartaanermi allarpassuillu iluanni aningaasaliisussarsiornermi suliniuteqarnermi tulluarsaanernik pitsanngorsaanissamillu atortussanik assigiinngitsunik imaqarpoq.

PEQATIGIIFFINNIIT ISERFIGINEQARSINNAASOQ

Fonde.dk-mik isumaqatigiissut imaappoq, Kommuneqarfik Sermersuumi peqatigiiffiit, ingerlatsiviit, sulisoqarfiillu tamarmik immikkoortunut ataasiakkaanut atuisut pingasut angullugit akeqanngitsumik atuisunngortinneqarsinnaapput.

Peqatigiiffitta kommunimi suliniutinut amerlasuunut aningaasaliisussarsiornissaminnut periarfissaqarluarnissaat siunertaraarput.

ISISSUTISSAMIK PISSARSINEQ

Fonde.dk-mut isersinnaalernissannut nittartakkatsinni sermersooq.gl-imi immersugassaq immersuinnassavat. Nittartakkakkut Aningaasaateqarfiit katersuiniarnerlu ujarlugit immersugassaq nassaarisinnaavat. Qupperneq aamma Innuttaasunut ammariarlugu Sunngiffik kiisalu Aningaasaateqarfiit katersuiniarnerlu toorlugit nassaarisinnaavat.