Pisarnertut Kommuneqarfik Sermersuumi Timersornerup Ullua Kunngit Pingasut ulluanni 6. januar malunnarsineqarpoq, ukioq mannattaarlu Nuummi ornigarneqarluartumik ingerlanneqarpoq, kulturip illorsuani kusanartumi Katuami inersuit annersaanni.
Timersornermi nersornaasiinerit saniatigut ullumi tassani, Mitaarfik aamma Katuap paarlersuani orpiliarneq ingerlanneqarput, taakkunani ilaatigut meeqqat tamarmik mamartunik agguarneqarlutik Mitaarfimmilu ajungaasut pinnatsinneqarlutik.
Timersornermi nersornaasiinermi nalliuttorsiornerit nalunaaqutaq marlup qeqqa aallarnerneqarput, ullullu ingerlanerani ilaatigut Mike Thomsen aamma Inuk & Co. aliikkusersiupput bormgesterilu Asii Chemnitz Narup oqalugiarpoq, ilaatigullu taassuma, Nuummi Kalaallillu Nunaanni inuit taamak amerlatigisut timersornermi peqatigiiffilerinermilu akuliusimanerat nuannaarutiginerarpaa: ”Nuanneqaaq ukiut tamarluinnaasa timersorneq peqatigiiffigilerinerlu persuarsiutigalugit Katuami inersuaq ulikkaartarsinnaagatsigu. Taamaammat – ukiup ingerlanerani ullumilumi tunniussassinnut, nuannaarlusi timersornermi peqataasarnissi ullormut maannga aamma nuannequtaasunut ilaammat qutsavigaassi. Ilissimi inuunersi kisiat immersunngilarsi, tamatsinnulli maligassiuisuuvusi nuannaarnermillu siammarterisuullusi.”
Bormgesterip ilanngullugu eqqaasitsissutigaa timersorneq ataatsimoorussarigipput: ”Naak ullumi nersorniarneqartut amerlagaluartut, nersornaatit ataatsimik amigarsorinarsinnaapput – tassalu eqeersimaarnermut nersornaat; kommunimi arlaatigut timersoqatigiiffimmi suliaqartunut tamanut nersornaat. Tamassimi inuiaqatigiinnut nukittorsaataavusi maligassiuilluartuullusilu.”
Nersornaaserneqartut ukuupput
- Timersornermi nersornaat: Martin Møller, NSP
- Ukioq manna iligiit pitsaanersaat: B-67 badminton
- Ukioq manna piukkunnaateqarnerpaaq: Aninnguaq Eigaard, fight klub nanoq
- Ukioq manna aqutsillammak: Nive Heilmann, Inuit, Dene games
- Ukioq manna sungiusaallammak: Finn Meinel, b-67
- Kajumissaasiut: Anette Jørgensen og Fie Hansen, Vandgymnastik
Tasiilami, Ittoqqortoormiini Paamiunilu nersornaasigaasut
Timersornermi nersornaat:
- Tasiilami Bent M Pivat, K-64
- Ittoqqortoormiini Leo Brønlund, Ukaliatsiaq 93
- Paamiuni Rosa Marie Hegelund, Paamiuni Nerrivimmi Arsaarartartut 2015
Ukioq manna aqutsillammak:
- Tasiilami Jan Andreassen, ABK 85
- Paamiuni Peter Kleist Møller, Nagtoralik assammik arsartartut
Ukioq manna sungiusaallammak:
- Tasiilami Allan Streymoy, ATA
Ukioq manna iligiit pitsaanersaat:
- Tasiilami TM-62 fodbold, TM-62
- Paamiuni U-19 Håndbold, Nagtoralik assammik arsartartut
Ukioq manna piukkunnaatilik:
- Tasiilami Ulrik Maratse, TM-62
- Ittoqqortoormiini Anda Madsen, Ukalitsiaq 93
- Paamiuni Nukaaka Hegelund, Nagtoralik Badminton
Kajumissaaserneqartut:
- Tasiilami Aviaja Abelsen, ATA
- Ittoqqortoormiini William Kunak, Ukalitsiaq 93
- Paamiuni Dora Marie Poulsen, Paamiuni Nerrivimmi Arsaarartartut 2015