Akit, ammasarfiit, malittarisassallu il.il. uani saqqummiunneqartut ullumikkut atuuttuusariaqanngillat.
Ikuallaaviup eqqaani ujaqqerivimmi qaartitsisoqarnerani ajutoortoqarnermat arfininngormat naluttarfiup igalaavatigut ujaqqanik isaasoqarpoq.
Poltiit erngerlutik takkupput naluttarfimmiittullu tamaasa qimagussorlugit. Nalunaarutugineqarallartut naapertorlugit naluttarfimmiitoq ataaseq kimillatsitersimavoq, allanilli annertuumik ajoqusertoqarani.
Kommuneqafik Sermersooq attaveqarasuartarfissamik pilersitsivoq. Nalaataqarsimasut uunga sianersinnaapput 553582, tassuuna tarnip pissusiinik ilisimasalimmik oqaloqateqatoqarsinnaavoq.
Nalaanneqartut ilaat sakkortuumik misigisaqarsimassagunik Meeqqanut Ilaqutariinnullu Sullissivimmut saaffiginnissinnaapput CP Holbøllsvej 8-mut Nuummiittumut, ataasinngorneq nal. 14-15 akornanni.
Naluttarfik sapaatip akunnerata naanera tamaat matoqqassaaq.
Kommuneqarfik Sermersuumi sanarfinermut immikkoortortamit ujaqqerivimmi qaartiterinerit tamaasa unitsinneqarput, ajutoornerup misissuiffigineqarnerata naammassinissaata tungaanut.