2017-imi ilungersuussilluartoq

2017-imi ilungersuussilluartumik innersuussigit iPad-imillu eqquillutit. Najukkanni ilungersuussilluartumik suliaminillu aallussiinnarnissamut aningaasartalimmik akissarsilaarnissamut nersualaarneqarnissamullu piukkussannik nalunngisaqarpit?

Sunniuteqarsinnaanerit atorlugu inuk immikkut ittumik suliniuteqarsimasutut isigisat nersualaartariaqartorlu toqqaruk.

Kommuneqarfik Sermersooq ukioq manna innuttaasumut kommunimi innuttaaqatiminut allanut immikkut kajumissuseqarluarluni ilungersuussilluartumut nersornaasiiniarpoq. Ilungersuussilluartutut nersornaaserneqarniartoq illoqarfimmi, nunaqarfimmi, kommunimiluunniit immikkut iliuuserisaa tamanut sunniuteqarsimassaaq. Ilungersuussilluarsimanermik iliuuseqarneq inuussutissarsiornermut, kulturikkut imaluunniit inunnik sullissinermut tunngasinnaavoq.

Ilungersuussilluarsimasup nersornaaserneqarnera Nuuk Centerimi novembarip ulluisa 23-anni nuannersumik aaqqissuussinermi tamanut tusarliunneqassaaq.

Ilungersuussilluartumik tunineqartussamik innersuussigit

Ukioq manna Ilungersuussilluartumik innersuussiniaruit uku akilaassavatit:

1. Nalunngisaqarpit najukkami ukioq manna ilungersuussilluartumik kajumissaaserneqarnissaanut piukkunnaatilimmik?
2. Suliniutip suna allaanerussutigaa?
3. Ilungersuussilluartoq qanoq iliornermigut iIloqarfinni kommunimiluunniit ataatsimoornermik pissassaasuugami?

Innersuussisut akornanni iPad-imik eqqugassartalimmik makitsisoqassaaq.

Ilungersuussilluartumik innersuussinissamut immersugassaq uani nassaarisinnaavat www.sermersooq.gl

Aamma mailikkut nassiussillutit siunnersuutit nassiussinnaavat uunga mailto:kommuneqarfik@sermersooq.gl kingusinnerpaamik oktobarip ulluisa arfineq-pingajuat 2017.