Laura Taunâjik – Juullimi Eqqaamasanni Nuannernerpaaq

Kommueqarfik Sermersuup juullimi ammartagaa juullernissaata tungaanut ingerlavoq. Kommunalbestyrelsimi ilaasortat apersornikuuagut ukiup ingerlanerani suliaminni suut nuannarinersaasimaneraat aamma inuunerminni juullimi eqqaamasaminni suna nuannernersaanersoq.

Kommunalbestyrelsemi sulineq tamaat isigalugu nuannarisimaqaara. Malugisinnaavara ilaasortaaqatikkalu piffissap ingerlanerani immitsinnut ilikkariartornerput. Akornitsinni qanilaarneq annertusiartortoq malugisinnaavara, tassani ataatsimiinnerit avataanni naapissinnaasarnermut nuannequtaalluni.

Illoqarfinni nunaqarfinnilu Nuup avataaani ineriartornerup aamma ingerlanera takullugu nuannersimavoq. Meeqqat utoqqaallu imminnut qaninneruleqqinnissaannut suliniutigut takullugit nuannerpoq. Uagut meeraanitsinni utoqqarnut qanilaarneq – immaqa taamaatussaannartut isiginikuusarput, ullumikkut takussaanersasanngilaq. Taamaammat nuannaarpunga tamatuma killormut saatinnissaanut suleqataanissannut periarfissaqalersimagama.

Juullimi eqqaamasakka nuannernepaat meeraaninneerput. Aanaanni aataannilu peroriartorpunga, eqqaamavaralu juullimi ullaakkut iterluni qanoq nuannertigisoq. Sila suli taartoq naneruuterpassuillu ikititernsimasut. Aataap inimiit itersartarpaatigut suaarluta juuddigaeraar juuddigaeraar – juullertoq. Juullimi taamatut iterluni nuannernersaasarpoq.


Kommuneqarfik Sermersuup juullimi unammisitsinerani #julenuuk-mut peqataanissat eqqaamajuk. Hashtag #julenuuk atorlugu Facebookimut Instagramimulluunniit assimik ikkussiguit unammisitsinermut peqataassaatit.