227 millionit koruunit. 2018-imi Kommuneqarfik Sermersuumi sanaartornermi anignaasat taamak amerlatigisut atorneqassapput. Aningaasat amerlanersaat, sanaartukkanut ukioq manna aallartinneqarsimasunut atorneqassapput.
Qeqertani umiarsualivittaamut aqquserniarineqartoq ikaartarfissarlu 55 millionit koruuninik akeqarput, Tuujummi inissiat nutaat 2018-imi 90 millionit koruuninik aningaasartuutaassapput, 2018-imilu sanaartornermut missingersuusiamit 36 millionit koruunit Paamiuni utoqqaat illuannut atorneqassallutik.
Taamatuttaaq suliniutit minnerusut aningaasaliiffigineqarsimapput, soorlu Tasiilami ivigaasanik arsaattarfissaq, Kuummiuni innuttasut illuata iluarsaanneqarnissaa nunaqarfinnilu sanaartornerit.
Ukioq manna sanaartornermut aningaasaliissutissatut missingersuummi 200 millionit koruunit sinnerlugit, siumoortumik immikkoorteriigaasimapput.
“Ukiuni kingullerni sanaartornikkut suliuniutinik amerlasuunik pisariaqartinneqaqisunik aallarnisaasarsimavugut. Tamanna soorunami isumaqarpoq ukioq manna atuivallaarnaveersaartariaqartugut. Aappaatigulli inerisaanissamik suliffeqarfiuterput Nuuk City Development sanaartornermik suliniutinik aallartitsisassaaq,” Kommuneqarfik Sermersuumi borgmesteri Asii Chemnitz Narup oqarpoq.
Taamaattorli suliniutit ataasiakkaat aallartisarneqarsinnaasimapput. Assersuutigalugu Paamiuni qalulerivik umiatsiaaqqerivillu nutarterneqassaaq allilerneqarlunilu illoqarfimmi piniartunut aalisartunullu iluaqutaasussamik. Sannavik atuisunut ineeraqalissaaq, uffarfeqalissalluni, ammerinermut inissaqalerluni qerititsiveqalerlunilu. Katillugu akia 1,4 millionit koruuniussaaq.
Nuummi meeqqeriviit Annersuaq aamma Uiloq aneerussivinnut nutaanik ilitsivittaassapput. Katillugu akia 1,2 millionit koruuniussalluni.
Suliniutitut nutaatut aallartisarneqartut aamma ilagaat qatserinermi biilinut nutaanut 2 millionit koruunit atortunullu ilaatigut aputaajaanermi atugassanut nutaanut 2,6 millionit koruunit.