Timersornerup silarsuaani sapiissuseqalernissamut inoqatitit ikiukkit
Oqalugiartussat pingasut arpattartoq Anton Møller Petersen, ujakkaarnermut sungiusaasoq peqatigiiffilerisorlu Poul Petersen aammalu assammik arsartartoq sungiusaasorlu Johannes Groth tamarmik immikkut neriuut kajumissuseqarnerlu pillugu oqaluttuassapput. Qanoq inuttut siunissaq qaamanerusoq inerisaaffigisinnaanerlugu nukiillu malitsigisai qanoq atussallugit piareersarsinnaavigit sinnatutillu anguniarlugit? Oqalugiarnermi isiginnittariaatsit assigiinngitsut sakkussallu attuumassuteqarsinnaasut eqqartorneqassapput, peqatigiiffissi iluani neriuummik ineriartortitsinermi atorneqarsinnaasut kajumissuseqalersitsisinnaasullu. Oqalugiartussat assigiinngitsunik misilittagaqarput assersuutigalugu ajoquserneq, ajoqusersimalluni sungiusaqqinneq, qaffasissumik timersorneq, ataatsimoortitsineq, nerisaqarneq, anguniagaqarneq allarpassuillu.
Kikkut peqataasinnaappat?
Oqalugiarneq kajumissutsimik sulisunut, sungiusaasunut aammalu peqatigiiffinni ikiortinut peqataaffigineqarsinnaavoq. Assersuutigalugu ilaasortat qanoq iliuusissaaruttunik imaluunniit navianartorsiortunik naapitsisaruit, taakkualu inuunermi sapiissuseqarnerulernissaannut ikiuerusukkuit oqalugiarneq ilinnut piukkunnarpoq. Oqalugiarnermut peqataanermut annerusumik piumasaqaatitaqanngilaq, pingaaruteqarporli piareersarsimanissat peqataanissallu eqqartueqatigiinnermut. Peqataanerillu pissarsiaqarfiulluassappat pingaaruteqartoq oqalugiarnermit misilittakkatit nammineq misilittarnissai.
Piffissaq
Sapaat 3 december 2017 nal. 14:00 – 17:00
Sumi
“Ivigaq”, Kajummissutsimik sulisut illuat, Stadionvej 1
Nalunaarneq
Nalunaarneq uunga pissaaq:
E-mail: peqatigiiffiit@sermersooq.gl imaluunniit tlf. 36 73 11 aamma 36 61 84 Peqqinneq Sunngiffillu pillugu immikkoortoqarfimmut
Amerlanerpaamik peqataasinnaapput inuit 35-it, minnerpaamik 10-it oqalugiarneq piviusunngortinneqassappat. Oqalugiarneq kalaallisut ingerlanneqassaaq, tamulugassaqarumaarpoq.
Imatut ingerlanneqassaaq
Oqalugiarneq oqalugiartunit ingerlanneqassaaq, oqaloqatigiittoqarsinnaassaaq, ataatsimullu imminut qivialaarluni eqqartuineq periarfissaassaaq. Periarfissaqarputit misilittakkatit ingerlateqqissallugit peqataasut allat peqatigalugit.