Nuummi immikkut ittumik aaqqiigallarneq aamma immikkut sianerfigineqarsinnaasoq oqarasuaat

Ulluunerani ornittakkanut assigiinngitsunut sungiusariarnissamullu biiliutsinnerit Nuummi silap ajorpallaarnera pissutigalugu taamaatiinnartariaqartut Kommuneqarfik Sermersuup Isumaginninnermut, Suliffeqarnermut Inussuutissarsiornermullu ingerlatsivianit nalunaarutigineqarpoq.

Innuttaasulli ikiortariallit orninneqarnissaat aamma nerisassanik assartuinerit kisimik ingerlanneqartassasut ingerlatsivik nalunaarpoq.

Assigiinngitsunut biiliutsittartut tamarmik toqqaannartumik nalunaarfigineqassapput.

Utoqqaat ulluinnarni kommunimit ikiorneqartartut oqarasuaatikkut immikkut saaffiginnittarfissaannik Kommuneqarfik Sermersooq pilersitsivoq.

Taassuma normoraa: 55 24 90.