Nunat Avannarliit Nuummi kulturisioqatigiinnerat 2017- Sapaatit akunnerani nuannanneq nuannerluinnartumik naggaserneqassaaq

Nuummi kulturikkut pikialaartitsinerup naggaserneqarnera peqataaffigalugulu misigisassaqarfigiartoruk.

Nunat Avannarliit Nuummi kulturisioqatigiinnerat nuannerluinnartup sapaatit akunnera ingerlanneqarsimasoq ukioq mannalu Nunatsinni kulturikkut sammisani pingaarnerit ilaat illoqarfitsinni immikkorluinnaq misigisaqarfiusimasoq naggaserneqaleriartorpoq.

Ilaatigut arfininngornermi Nunatta Atuagaateqarfiani nal. 11.00-imiit 17.00-ip tungaanut arlalinnik ilanngussaqassaaq, Inussivimmilu nal. 20.00-imiit 02.00-mut tusarnaartitsisoqarlunilu aliikkusersuisoqassaaq.

Naggataarnersiorneq nal. 20.30-miit aallartinneqassaaq naggasiillutillu Small Time Giants nal. 01.00-imiit 02.00-mut tusarnaartitsissapput.

Uani arfininngornermi pisussat tamarmik takuneqarsinnaapput: http://nuuknordisk.gl/kl/pisussat/#/artists/byDay