Innuttaasunut

Inussivimmi innarluutillit aaqqissuussiffigineqarneranni qungujulasorpassuit

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Pingasunngorneq oktoberip 11.-at 2017 inuit innarluutilinnut sapaatip-akunneranut atatillugu Kommuneqarfik Sermersooq aaqqissuussivoq.

Ulloq aallarnerlugu Angutinnguaq Johnsen qilaatersorpoq unikkallarnermilu ilaatigut SPI-mi inunnik isumaginninnermik ikiortinngorniat isiginnaagassiamik takutitsipput.
Aaqqissuussinermut ornigullutik peqataasut 75-it missaanniittut tamarmik nuannisaqaat, ujaasiitigalutik sukkaneqqisaallutik, kigaallassaatinik pinnguarlutik sammisanillu assigiinngitsorpassuarnik aliikkutaqarlutik nuannisaqatiigiikkamik.

Ujaasiitigaluni sukkaniunnermi ajugaasut:

Siullermut Nuuk Centerimi pisissutissaq 400 kr.-inik nalilik: Moses Halsøe
Siulliup tullianut Nuuk Centerimi pisissutissaq 250 kr.-inik nalilik: Carina Egede Jensen
Apuuteqaartut pingajuannut  Nuuk Centerimi pisissutissaq 100 kr.-inik nalilik: Agga Andersen

Ajugaasut pingasut pilluaqqorujussuarpavut aamma takkuttut tamaasa qutsavigaavut ualikkut aaqqissuussinerup iluatsilluarneranut peqataalluarmata.