tilbage

Sanarfinermut Avatangiisinullu Ataatsimiititaq
170613 SAI Naliginnaasumik ataatsimiinneq


13. juunip 2017

Kommunalbestyrelsip ataatsimiittarfia kl. 09:00

Ataatsimiinneq pissaaq Miljøcenterimi. Kommuunip allaffiata eqqaani bussinik aatissaagut nal. 08. 30.

09.00-10.30 Sammisanik saqqummiineq

09.00: punkt 07A  "Qullilerfik" pillugu

09.45: punkt  07B  "Salliarnani" pillugu

10.30- 13.00: Sanarfinermut Avatangiisinullu Ataatsimiititamii ataatsimiinneq, ullup qeqqasiornertalik

 

Oqaluuserisassat akuerineqarput.

2A Siulittaasumit

2B Ingerlatsivimmit

2A. Siulittaasumit

Ingerlatsivimmi pisortaq Ataatsimiititamilu siulittaasoq ataatsimeeqatigiittarnissatik aallartereerpaat mannalu tikillugu ataatsimiititap suliassai pingaarnerit eqqartorneqarsimalereerput. Piffissami tullinnguuttumi suleqatigiilluarnissaq aallartilluartutut taaneqarsinnaavoq.

Innuttasunik sullissinermi suliassat annerpaat ilagaat nunaminertanik atugassiinermut qinnuteqatinik suliaqarneq, atuarfiit (annerusumik Nuummi) issusai aammalu illoqarfinni illoqarfimmik inerisaaneq taakkartorneqarput.

Ataatsimiititami siulittaasoq innuttaasunik arlalinnit saaffigineqartarsimavoq, ass. Nuussuarmi kalaaliaraq pillugu- saaffiginnissutit suleriuseq malillugu ingerlatsivimmut ingerlanneqartartut siulittaasup paasissutissiissutigaa.

2B. Ingerlatsivimmit

Ingerlatsivimmi sulisussaaleqineq malunniutaavoq aammalu paasissutissiissutiginqarpoq qinnuteqartartut ikimmata.

Kangillinnguani saliisitsinissaq pillugu Namminersorlutik Oqartussat Illersuisoqarfillu isumaqatiginninniarneq ingerlavoq. Naalakkersuisut saliisitsinissaq pillugu tusagassiutikkut tusagassiissasut nalunaarutigineqarpoq.

Inassuteqaat akuerineqarpoq, imatut oqaasertalerlugu:

Kiffartuussinissamut isumaqatigiissut nutaaq atuutilermat ilaasut kiffartuunneqarnerisa ajorseriaateqarnerat ataatsimiititap erseqqissaatigerusuppaa.

Ataatsimut eqqarsaatigalugu kiffartuunneqarneq ernumanartoqartinneqarpoq, aammalu Akureyrimi tuluttut kiffartuunneqarneq immikkut eqqaaneqarpoq, minnerunngitsumillu illoqarfiup tikikkuminaannera tikinneqarsinnaannginneralu, ass. pitsorluttut eqqarsaatigalugit.

Attaveqaatit ajorseriaateqarneri akitsuinernik kinguneqartut eqqarsaatigalugit, ataatsimiititaq isumaqarportaaq tamat oqartussaaqataanerat aamma innarlerneqartoq, aammalu tamat oqartussaaqataanerisa annertusarneqarnissaa nunatsinnilu kommunit anginersaanni suleqatigiissitsinissaq Kommunalbestyrelsimut ajornarnerulersimasoq.

Inassuteqaatit akuerineqarput.

- Biilit ingerlasinnaanermut uppernarsaataajagaasimasut qimaannakkat pillugit apeqquteqartoqarpoq, taakkunani piginnittunit illoqarfiup iluani nuuttaqattaarneqartarneri eqqaaneqarluni . Ingerlatsiviup ajornartorsiut ilisimaneqartoq nalunaarutigaa.

- Tasiilami arsaattarfik ivigaaraasaligaq pillugu apeqquteqaateqartoqarpoq. Apeqquteqaateqartoqartoq ingerlatsivimmut allagaqaqquneqarpoq.

- Nunaminertanik atukkiiniarnermut qinnuteqaatinik sullissinerup arriinnera tikkuartorneqarpoq.

- Politeeqarfiup eqqaani biilit unittarfiup kikkut atugassarineraat apeqqutigineqarpoq. Ingerlatsiviup misissussallugu nalunaarutigaa.

- Tasiilami meeqqeriviup illutaa qanoq pilersaaruteqarfigineqarnera apeqquteqarfigineqarpoq. Ingerlatsivimmut allakkatigut saaffiginninnissaq innersuutigineqarpoq.

Imaqarniliaq akuerineqarpoq nal. 13.15

Quppernerup imarisaa qanganitsersimava?

Quppernermut naqqiutissaqarpit?