17. marsip 2020

Kommunalbestyrelsip ataatsimiittarfia kl. 14:00

Oqaluuserisassat akuerineqassapput

2a. Soqanngilaq

2b. Coronavirus (COVID-19) pillugu sillimaniarnermut tunngasut

Piffissami kingullermi Suliffeqarnermut Isumaginninnermullu Ingerlatsivik coronavirus (COVID-19)-imut tunngatillugu upalungaarsimanissamut tunngasunik piumasaqaatinut naammassinnittunik iliuusissatullu najoqqutassanik siunnerfilinnik suliaqarpoq. Najoqqutassat tamarmik qallunaat nunaanni nunatsinnilu peqqissutsimut oqartussat innersuussutaat naapertorlugit suliarineqarput, taakkulu nutarterneqartassapput iluarsiissuteqarfigineqarlutillu, pissutsit nikeriarneri apeqqutaatittarlugit.

Sulisut, innuttaasunik qanimut ulluinnarni sullissisut, aammalu innuttaasut utoqqaat illuini, najugaqatigiiffinni angerlarsimaffeqanngitsullu unnuisarfiini najugallit, aammalumi innuttaasut namminneq angerlarsimaffimminni najugallit angerlarsimaffimmi ikiorteqartartut imaluunniit kommunit allatigut ikiorneqartut immikkut sammineqarput.

Tamakkua saniatigut qanigisaasunut paasissutissanik nassiussuisoqarpoq aammalu paasissutissiissutinik innersuussutinillu utoqqaat illuini najugaqatigiiffinnilu tamani, eqqiluisaarnissaq pulaartullu eqqumaffigisassat qulakkeerneqarnissaat eqqarsaatigalugit saqqumititsisoqarpoq.

Suliffeqarnermut Isumaginninnermullu Ingerlatsiviup aamma innuttaasut angerlarsimaffimminni aneqqusaanngikkallarlutik mattusimatinneqarallartut nerisassatigut ulluinnarnilu atorfissaqartitanik aqqiissuteqarfigineqarnissaasa qulakkeerneqarnissaat sulissutigivaa. Innuttaasut aneqqusaajunnaarallartut ilaqutaqanngitsut allanilluunniit ikiortissaqanngitsut pineqarput.    

Kommuneqarfik Sermersuumi sulisunut virusi pillugu apeqqutissaqartoqaruni attaveqaammik pilersitsisoqarnikuuvoq.

Suliffeqarnermut Isumaginninnermullu Ingerlatsivimmi aqutsisut ataavartumik ataatsimeeqatiginnittarput, pissutsillu qanoq inneri apeqqutaatillugit iliuusissanik nalilesueqqittarput.

Innarluutilinnut tarnikkut nappaatilinnullu Immikkoortortaqarfik

Maajip ulluisa 20-anni 2020 nal. 14, Najugaqatigiiffik Seernaq 4-miittoq pisortatigoortumik ammaanersiorneqartussaagaluarpoq. Tamannali COVID-19-imut tunngatillugu pissutsit pissutigalugit aasaru sulinngiffeqareernerup kingorna pisussanngorlugu kinguartinneqarpoq.

Najugaqatigiiffiup ammaanersiorneqarnissaanut kingusinnerusukkut qaaqqusissummik nassiussisoqarumaarpoq, tassungalu atatillugu Suliffeqarnermut Isumaginninnermullu Ingerlarsiviup, Innarluutilinnut aamma Tarnikkut nappaatilinnut immikkoortortap aammalu Seernaq 4-mi najugallit nuannaarutigissagaluarpaat, ammaanersiornermi Ataatsimiititaq peqataasinnaappat.

Rolf Pike (S) Ittoqqortoormiinit Nuummut nuussaaq

Suli immersorneqanngilaq
7A. Lukket
7B. Lukket

Imaqarniliaq akuersissutigineqarpoq nal. 14.48