tilbage

Kulusuk Tiilerilaaq Isertoq
Nunaqarfimmi aqutsisut nalinginnaasumik oqarasuaatikkut ataatsimiinnerat


19. septembarip 2019

Kommuunip allaffiani kl. 09:00

Oqaluuserisassat taamatut isikkoqartillugit akuerineqarput. Paulus Larsen ataatsimiinnermi peqataanngilaq.

2A. Siulittaasumit

Kulusuup 110-inik nalliuttorsiornerani pisut

Kulusumi aasap ingerlanerani suliarineqartut:

Eqqaavik salinneqarnera kiisalu illut piiarneqarneri pinnguartarfiillu suliarineqarneri.

Issiaartarfiit ikkussuunneqarneri.

Aalisarnermut piniarnermullu Naalakkersuisoqarfimmiit ataatsimeeqateqarnerat.

Nunaqarfinnut kaajallaassinerat Sanarfarnermut avatangiisinillu kiisalu Qinikkanut allattoqarfimmiit peqateqarlutik.

Borgmesterimik ataatsimeeqateqarnissamut piniagassat angisuut oqaluuserisassanngortinneqarnerat. Oqaluuserisassanik siunnersuutit siulittaasumut nassiunneqarsinnaapput kingusinnerpaamik pingasunngorneq 25. September 2019.

2B. Allaffeqarfimmiit

Allaffeqarfimmiit nalunaarut siulittaasut budget sammineqalernerani Nuummi oktobarimi ataatsimeqqataassasut, taamatuttaaq borgmesterimik ataatsimeeqateqarumaartut 04. Oktober 2019.

Aalajangiiffigisassaq

J.nr.:

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

LUMINOUS GREENLAND qinnuteqaataat qaqqamut seqersittaatit Kulusumi ikkussuunniagaat qaammat februar-imi 2020, katillugit aningaasartai 28.470,00 kr.

Qinikkat allatseqarfianiit oqaaseqaatit:

Aningaasat Nunaqarfinnut Aqutsisunut Aningaasalissutini sinneruttut aggustimi nalunnarutigineqarsimasut:

Siunertat Aningaasaliissutit Sinneruttut

Peqatigiiffinnut assigisaannullu tapiissutit 50.000,00 45.439,13

Ullorsiornerit innuttaasullu ataatsimooqatigiinneri Isertoq 25.000,00 17.950,36

Ullorsiornerit innuttaasullu ataatsimooqatigiinneri Tiilerilaaq 25.000,00 24.499,60

Ullorsiornerit innuttaasullu ataatsimooqatigiinneri Kulusuk 60.000,00 55.602,85

Inassuteqaat/Inassuteqaatit

Nunaqarfinni aqutsisut inassuteqaatigaat:

Qinnuteqaat akuerineqassasoq/Akuerineqassanngitsoq

Aalajangiineq

Ilanngussaq/Ilanngussat

Qinnuteqaat paasissutissallu

Aalajangiineq

Qinnuteqaat immikkut ataatsimiinnikkut aalajangerneqassasoq aalajangerneqarpoq. Aqutsisut tamakkersimanngimmata.

Bendt Abelsen: Illuaqqat sumut killinnersut apeqqutigaa.

Moses Bajare: Inuit nersornaasikkat nassuiaateqarfigai. Pinnguartarfiit, puttasut kiisalu illuaqqat sumut killinnersut apeqqutigai.

James B. Ignatiussen: Isertumi multibane amigaatit qaqugu naammassineqarnissaa apeqqutigaa. Isertumi katersortarfik naammassisimavoq atorneqaqqilerluni, siulersuisussanillu qinersisoqassalluni. Illuaqqat assartorneqarnissaat apeqqutigaa.

Quppernerup imarisaa qanganitsersimava?

Quppernermut naqqiutissaqarpit?