tilbage

Kommunalbestyrelsi
191008 - Syttenianni ileqquusumik ataatsimiinneq


08. oktobarip 2019

Kommunalbestyrelsip ataatsimiittarfia kl. 15:30

Oqaluuserisassat akuersissutigineqarput. Immikkoortoq 04K pillugu Lone R. Pedersen (IA) suliamut attuumassuteqarnini nalunaarutigivaa, tassanilu Hans-Jukku Noahsen (IA) sinniisutut aggersarneqarpoq.

2a. Siulittaasumit nalunaarutit

2b. Ataatsimiititanik ataavartunit nalunaarutit

2a.

  1. Najukkami Ataatsimiititaliap malittarisassai naapertorlugit Inatsisartut inatsisaat 29, 17 november 2017-imeersumi §32 naapertorlugu, aammalu Kommunalbestyrelsip aggustip 28-anni 2018-imi aalajangernera naapertorlugu Najukkami Ataatsimiititaliaq imatut periarfissaqarpoq: ”Ataatsimiititanut ataavartunut, kiisalu Aningaasaqarnermut Inuussutissarsiornermullu Ataatsimiititaliamut oqaluuserisassanut ilanngunneqartussanik najukkamut attuumassuteqartut eqqarsaatigalugit najukkami ataatsimiititaliaq siunnersuuteqarsinnaavoq. Periarfissaq taanna Najukkami Ataatsimiititalianit siornatigut atorneqarnikuunngilaq. Siunissami najukkami ataatsimiititaliami siulittaasup aammalu najukkami ataatsimiititalianut ataqatigiissaarisup siullermik misissussavaat aalajangissallugulu immikkoortoq politikkikkut oqaluuserisassanut ilanngutitinneqassanersoq, taamaaliornikkut qulakkeerniarlugu ass. immikkoortoq siornatigut ataatsimiititamit suliarineqareersimannginnersoq. Kisialli periarfissaq tamanna Kommunalbestyrelsip 2018-imili najukkami ataatsimiititalianut akuersissutigaa.
  2. Kommune Tuapannguani Lille Købmandip eqqaani najugalinnit amerlasuunit saaffigineqarsimavoq. Naammagittaalliutigineqarput eqqissiviilliornerit, nipiliornerit akornusersuutaasullu allat. Kommune assigiinngitsunit peqataaffigineqartumik suleqatigiissitaliorsimavoq politiit suleqatigalugit, suliniuteqarfissanillu assigiinngitsunik misissuilluni, sumiiffimmi eqqissisimasoqalernissaa torersuutitsinissarlu qulakkeerniarlugu. Pilersaarutit naapertorlugit tamaani najugallit oktobarimi peqataatinneqassapput, pissutsit pillugit eqqartueqatigiissinneqarlutik.
  3. Oktobarip 8-ni 2019 qallunaat nunaanni  nunamut namminermut isumaginninnermullu ministeri (indenrigs- og socialminister) Astrid Krag Nuummut tikeraassaaq. Ulloq taanna ualikkut borgmesterip qallunaat nunaanni Nunamut Namminermut Isumaginninnermullu Ministeri , Astrid Krag ataatsimeeqatigissavaa, taamaattumillu oktobarip arfineq-pingajuanni 2019-imi kommunalbestyrelsip ataatsimiinnissaata aallartinnissaa nalinginnaasumit kingusinnerulaartukkut aallartissaaq, tassalu ataatsimiinneq nal. 16.00 aallartissalluni. Oktobarip qulingiluaanni Ministeri, Astrid Krag Kapisilinnut tikeraassaaq.
  4. Angerlarsimaffeqanngitsut unnuisarfiata ingerlanneqarnera pillugu neqeroortitsisoqarnissaanut isumaqatigiissuteqartoqarnissaanullu Tamanut Kiffartuussivik tamanut neqerooruteqartitsivoq, malittarisassat atuuttut naapertorlugit piumasaqaatinik immikkuualuttunik imalimmik. Neqeroorut ataaseq tiguneqarpoq akuerineqarlunilu. Ingerlatsinerup septembarip 23-ianni 2019-imi tunniunneqarnissaanut isumaqatigiissusiortoqareerpoq.  Isumaqatigiissummi aningaasaqarnermut tunngasut ilanngullugit allassimanissaasa piumasaqaataaneranut pissutaavoq, missingersuutit ukiumut 3.200.000,00 koruuninik aningaasaliiffigineqartut malinneqassammata. Pissutsit pisariaqartinneqartut tamaasa ilanngullugit allanneqarput, pitsaanerpaamik ingerlatsinissaq qulakkeerniarlugu. Kingusinnerusukkut paasissutissiinertalimmik suliamik saqqummiussisoqarumaarpoq.
  5. Kommuneqarfik Sermersooq Dansk Erhvervs seminarimi (Danmarkimi inuussutissarsiuteqartut isumasioqatigiinnerat) ukioq manna kingumut peqataavoq, tassani kommunaldirektøri saqqummiivoq, kingornalu soraarnerussutisianut aningaasaateqarfinniit aningaasaliisinnaasunik immikkut ataatsimeeqateqarluni. Nuuk City Development isumasioqatigiinnermi aamma peqataavoq, saqqummiillunilu. Kalaallit Nunaanniit peqataasut Ilaatigut tassaapput Kalaallit Airports, Usisaat il.il

2b.

Uju Petersen, Meeqqanut Ilaqutariinnullu Ataatsimiititami siulittaasoq:

  1. Nakkutilliisoqarfiup piumasaqaateqarnera naapertorlugu nalunaarusiat ingerlanneqarput.
  2. Tasiilami Meeqqanut Ingerlatsivik nutaamik ningiortaarnikuuvoq, taamatuttaarlu Ilaqutariinnut Meeqqanullu sullissivik ukioq ataaseq ningiortaarallarluni.
  3. Maannakkut taamaalilluni Meeqqanut Ilaqutariinnullu allaffeqarfik aaliangersimasunik 4-inik sulisoqarpoq, taassumallu saniatigut Tasiilami peroriartornikoq juullip tungaanut suligallarluni.
  4. Meeqqat kinguaasiutitigut innarlerneqartillugit sulisut qanimut suleqatigiittarnerat aallartisarneqarpoq, iluatsilluarlumillu septemberip ingerlanerani ataatsimiijutigaluni pikkorissarneq iluatsilluarpoq.
  5. Aasap ingerlanerani oqallisaaqisut Danmarkiminngaanniik ikiuvigasuartussanik suleqatigiissuteqarnissamut tunngasoq, maannangaaq aallartippoq, maannakkullu socialrådgiverit 8-it maaniipput pikkorissarneqarlutik, sisamat Tasiilamut ingerlaqqissapput suliartorlutik.
  6. Taamatuttaarlu Qallunaat Socialministeriat ullumikkut Nuummut pivoq isumaqatigiissutit ikiorsiinissamut tunngasunut tunngatillugu

Inge Olsvig Brandt, Suliffeqarnermut Isumaginninnermullu Ataatsimiititami siulittaasoq:

  1. Ataasinngorneq 23. septembari Storm Ludvigsenip aamma Kristine Sigurdsenip (Tarraq) Nuummi angerlarsimaffeqanngitsut unnuisarfii kiisalu inissiat katitertakkat ingerlanneqarnerannik aqutsineq tiguaat. Isumaqatigiissut ukiunik pingasunik sivisussuseqarpoq. Tunniunneqarneranni ataqatigiissaarinertaa ingerlatsiviup Pisiniartarnermut immikkoortortaq suleqatigalugu isumagaa.
  2. Oqartussaaffeqarfimmi Fagchefi Nuummi Kofoeds Skolip siulersuisoqatigiivini maannamiit kommunimit sinniisuussaaq.
  3. Qarasaasiaqarnermi ajornartorsiutit arlallit – virusi aamma Fujitsumi kukkuneq – patsisaallutik ikiorsiissutinik piffissaq eqqorlugu tunniussineq pinngitsoorpoq. Ingerlatsivik Attaveqatigiinnermut immikkoortoqarfik suleqatigalugu innuttaasunut sapinngisamik pitsaasumik paasissutissiivoq.
  4. Tallimanngorneq 20. septembari Majoriami inuusuttut tallimat Fish Tech-GL-imik naammassinninnerat pingaartorsiutigineqarpoq. Aalisakkerivinni teknikkimut tunngasunik immikkoortukkuutaartumik ilinniarneruvoq, suliffimmik misiliineq atuagarsornerlu ingerlanneqartassallutik. Fish Tech GL ilinniagaqanngitsunut suliffissaaleqisunullu sammitinneqarpoq, ilinniagarlu taanna atorlugu aalisakkerivinni pitsaanerusumik sulinissamut piginnaanngorsarneruvoq.
  5. Innarluutilinnut sapaatip akunneqartitsineq aallartippoq. Sapaatip akunnerani uani ataasinngornermiit tallimanngornermut Innarluutilinnut sapaatip akunneqartitsineq ingerlassaaq. Nuummi sumiiffinni assigiinngitsuni arlalinnik aaqqissuussisoqassaaq. Ilaatigut inunnut innarluutilinnut OCN-inik uppernarsaatinik agguaassisoqassaaq, timersortitsisoqassalluni nereqatigiittoqassallunilu. Kikkulluunniit peqataanissamut tikilluaqquneqarput. Pilersaarut kommunip nittartagaani pissarsiarineqarsinnaavoq: pilersaarutip linkitaa.   
  6. Tallimanngorneq ulloq 11. oktobari Nuummi Paamiunilu innnuttaasunut OCN-beviser (uppernarsaatit) tunniunneqassapput. OCN-bevis tunniunneqartarput uppernarsaatitut innuttaasoq suliffissaqarfiit pilerigisaannik suliffeqarnissaminut piginnaasaqartumut. Innuttaasut Nuummeersut 32-t Paamiuneersullu 13-it OCN-bevisimik tunineqassapput.
  7. Suliffeqarnermut Isumaginninnermullu Ingerlatsivimmi Innarluutilinnik tarnimikkullu nappaatilinnik suliassaqarfik qitiutinneqarpoq. Tassani pineqarpoq innuttaasut kissaatigisaat paaqqutarineqarnissaq iluarisimaarnissarlu pisariaqartut ingerlatsivimmit naammaginarnerusumik iliuuseqarfigineqarnissaat. Tamanna angorusullugu sulisup ulluinnarni sullitaanut, innuttaasoqatigiit sullinniakkat aallaavigalugit ingerlatsivimmit periusissiaq innuttaasunut ataasiakkanut tulluarsagaq, sulissugineqassaaq.
  8. Utoqqaat Siunnersuisooqatigiivi ulloq 19. septembari Nuummi Katersortarfimmi ornigarneqarluartumik innuttaasunik ataatsimiititsipput. Ataatsimiinnermi innuttaasut 120-t missaanniittut, Utoqqaat Siunnersuisooqatigiivi aamma Kommunalbestyrelsimi ilaasortat peqataapput. Kommuneqarfik Sermersuumi utoqqaat pillugit politikki kiisalu Utoqqaat Siunnersuisooqatigiivini siunertarineqartut anguniakkallu oqaluuserineqarput.

Michael Rosing, Meeqqanut Atuarfeqarnermullu Ataatsimiiititmi siulittaasooq:

  1. Ukioqanngitsuniit arfinilinnut ukiulinnut tunngasunik suliaqartunut fagchefimik atorfinitsitsisoqarpoq
  2. MISI Tasiilamut nunaqarfiinullu arfininngorpat angalassaaq, ilaatigut meeqqat ernumanartortaqartinneqartut naliliiffigiartorlugit, aammalu tamakku pakkersimaarnissaannut sullissisui sakkussaannik tuniartorlugit.
  3. Uagut ataatsimiititarput pingasunngorneq 16. oktobarimiit arfininngorneq 19. oktobarimut angalassaagut, tassa aamma Tasiilamut.
  4. Itinnerani atuartut aallaarsimaartarfiat aqutsisunit misissuiffigiartorneqarpoq, Ataatsimiititamut nalunaarummik ingerlatitseqqiisoqassaaq kingornalu KB-mut.
  5. NUIF-imi suliniummut aqutsisumik 1. novembarimi sulilersussamik pissarsivugut. Matumani ilaatigut ilisimasanik katersuiffiusussamik pilersitsinissaq suleqatigiinnissamut isumaqatigiissummi immikkoortup piviusunngortinnissaa anguniarlugu.

Justus Hansen, Sanarfinermut Avatangiisinullu ataatsimiititami siulittaasoq:

  1. Qisuit killukkat inissinneqarsimasut kissassusaannik allaffeqarfimmiit misissuisitsisoqarpoq. Paasisat naapertorlugit illersuutaasussamik imerterisoqarpoq.
  2. Allaffeqarfik Tuujummi inissianik 42-nik atuilernissamut akuersissutinik tunniussaqarpoq, aqagulu ulloq 9. oktobari tunniussineq pissaaq.
  3. ASK-ip akiani modulikkaartumik ukioqatigiinngiiaanut meeqqeriviliornissaq suliariumannittussarsiuunneqarnikuuvoq. Neqeroortut pingasuupput, neqeroorutillu pitsaassusaat allaffeqarfimmiit nalilersorneqarnialerput. Akigitinneqartut pitsaassusiilu ajunngeriarpata ukiup ingerlanerani meeqqeriviliornissaq naatsorsuutigineqarpoq, 2020-milu sap.ak. 40-mi naammassineqarnissaa naatsorsuutigineqarluni.

Inassuteqaat akuersissutigineqarpoq ima oqaasertalerlugu:

- immikkoortoq siulleq akuersissutigineqarpoq.

- Rasmine Geisler (IA) Meeqqanut Atuarfeqarnermullu Ataatsimiititami nutaatut ilaasortanngortinneqarpoq.

- Lone R. Pedersen (IA) Meeqqanut Atuarfeqarnermullu Ataatsimiititami Rasmine Geislerimut (IA) sinniisunngortinneqarpoq

- Nadia Olsen (D) Aningaasaqarnermut Inuussutissarsiornermullu Ataatsimiititami Justus Hansenimut (D) sinniisunngortinneqarpoq.

Siumut taaseqataanngillat.

Inassuteqaat akuersissutigineqarpoq.

Siumut akuersissutigivaat ukiullu tullissaanut (2020) Ilassutitut imaluunniit nuussinissamut aningaasaliissuteqartoqassanngitsoq erseqqissaatigalugu

Inassuteqaat akuersissutigineqarpoq ima oqaasertalerlugu:

Periarfissat allattorsimaffiat, Suliffeqarfimmut Kiffartuussivik:

7.1.1 - Akuersissutigineqarpoq

7.1.2 - Akuersissutigineqarpoq

7.1.3 - Akuersissutigineqarpoq

7.1.4 - Akuersissutigineqarpoq

7.1.5 - Akuersissutigineqarpoq

7.1.6 - Akuersissutigineqarpoq

7.1.7 - Akuersissutigineqarpoq

Periarfissat allattorsimaffiat, SI, Suliffeqarnermut Isumaginninnermullu Ingerlatsivik:

7.2.1- Akuersissutigineqarpoq

7.2.3 - Akuersissutigineqarpoq

7.2.4 – Akuersissutigineqarpoq

7.2.5 - Akuersissutigineqarpoq

7.2.6 - Akuersissutigineqarpoq

7.2.8 – Ilanngunneqarnera kukkuneruvoq, missingersuutit aappassaaneerneqarnissaannut kinguartinneqarpoq

7.2.9 - Amerlanerussuteqartunit akuersissutigineqarpoq. Siumut taaseqataanngillat.

7.2.10 - Akuersissutigineqarpoq

7.2.12 – Akuersissutigineqarpoq  

Periarfissat allattorsimaffiat, MI, Meeqqanut Ilaqutariinnullu Ingerlatsivik:

7.3.1 - Akuersissutigineqarpoq

7.3.2 - Akuersissutigineqarpoq

Periarfissat allattorsimaffiat, MAI, Meeqqanut Atuarfeqarnermullu Ingerlatsivik:

7.4.2 - Akuersissutigineqarpoq

7.4.4 - Akuersissutigineqarpoq

7.4.6 - Akuersissutigineqarpoq

7.4.8 - Akuersissutigineqarpoq

7.4.9 - Akuersissutigineqarpoq

7.4.10 – Akuersissutigineqarpoq. Siumut siunnersuummut itigartitsipput. Aappassaaneerinninnissamut misissuisoqarnissaa Inuit Ataqatigiinnit kissaatigineqarpoq.

7.4.12 - Akuersissutigineqarpoq

7.4.13 - Akuersissutigineqarpoq

7.4.14 - Akuersissutigineqarpoq

7.4.15 - Akuersissutigineqarpoq

7.4.16 - Akuersissutigineqarpoq

7.4.18 - Akuersissutigineqarpoq

Periarfissat allattorsimaffiat, SAI - Sanarfinermut Avatangiisinullu Ingerlatsivik:

7.5.1 - Akuersissutigineqarpoq

7.5.2 - Akuersissutigineqarpoq

7.5.3 - Akuersissutigineqarpoq

7.5.4 - Akuersissutigineqarpoq

Lone R. Pedersen (IA) inersuarmit anivoq, taamaalilluni Hans Jukku Noahsen (IA) issiavianut ingippoq.

Inassuteqaat akuersissutigineqarpoq, taannalu Aningaasaqarnermut Inuussutissarsiornermullu Ataatsimiititamut ingerlateqqinneqarpoq.

Siumut inassuteqaat itigartippaat.

Rolf Pike (S): Ittoqqortoormiini puisit amiinik tunitsiveqalernissamut akuersissutigineqartoq pillugu Kommunalbestyrelsimut qujassuteqarpoq.

Imaqarniliaq akuersissutigineqarpoq nal. 18.31

Quppernerup imarisaa qanganitsersimava?

Quppernermut naqqiutissaqarpit?