29. oktobarip 2019

Kommunip allaffiani kl. 09:00

2A. Siulittaasumit

Nuummi nunaqarfinni aqutsisut siulittaasui ataatsimiigiarnerminni kinguaattornerit sila pissutigalugu, kiisalu ataqatigiissaarisup angalanissaa kinguartinneqarmat kinguaattoorlunilu sila pissutigalugu, taamaattumik ajuusaarutigivaa ataatsimiinnissaraluaq kinguartinneqaqqittariaqarnera.

Nuummi nunaqarfinni aqutsisut siulittaasui tamarmiullutik ulloq ataaseq ataatsimeeqatigiipput. Tassanilu Sanarfarnermut avatangiisinillu ingerlatsivik, Meeqqanik Ilaqutariinnillu Ingerlatsivik, Meeqqanik atuarfeqarnermullu ingerlatsivik kiisalu Aningaasaqarnermut ingerlatsivik ataatsimeeqatigalugit. Tassanilu iluatsillugu nunaqarfinni katersortarfiit pillugit aamma eqqartorneqarsimapput, massakkullu Sanarfarnermut avatangiisinillu ingerlatsivimmiit misissorneqaqqissallutik. Kiisalu Meeqqanik atuarfeqarnermullu ingerlatsivik ataatsimeeqatiginerani aamma eqqaaneqarpoq atuarfeqarfinni nunaqarfinni pikkorissaasoqartillugu Fritidsklub-imi sulisut peqataatinneqartannginnerat pillugu, tamannalu misissorusuppaat.

Kulusumi suliffissaqartitsiniutit atorlugit sulisitsineq unippoq. Kiisalu 60* north-ikkut ukioq manna uteqqillutik. Eqqaavik aqqusiniillu naammassinngilaat, puttasoq suliarineqanngilaq aappaagumut nangeqqinniarpaat.

Aalajangiiffigisassaq

J.nr.:

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Paulus Larsen-ip apeqquteqaataa nunaqarfimmi aqutsisut November-imi 2019 ataatsimiinneq imminnut tikillutik ataatsimiinnissaat.

Qinikkat allatseqarfianiit oqaaseqaatit:

Soqanngilaq

Inassuteqaat/Inassuteqaatit

Nunaqarfinni aqutsisut inassuteqaatigaat:

Periarfissat misissorneqassasut.

Ilanngussaq/Ilanngussat

-

Aalajangiineq:

Siulittaasup kiisalu ilaasortat sinneri tapersersorpaat. Misissorneqassaaq November-imi imaluunniit December-imi 2019 Tasiilami nunaqarfinni aqutsisut ataatsimiissinnaanersut.

Aalajangiiffigisassaq

J.nr.:

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

LUMINOUS GREENLAND qinnuteqaataat qaqqamut seqersittaatit Kulusumi ikkussuunniagaat qaammat februar-imi 2020, katillugit aningaasartai 20.070,00 kr.

Qinikkat allatseqarfianiit oqaaseqaatit:

Aningaasat Nunaqarfinnut Aqutsisunut Aningaasalissutini sinneruttut aggustimi nalunnarutigineqarsimasut:

Siunertat Aningaasaliissutit Sinneruttut

Peqatigiiffinnut assigisaannullu tapiissutit 50.000,00 45.439,13

Ullorsiornerit innuttaasullu ataatsimooqatigiinneri Isertoq 25.000,00 17.950,36

Ullorsiornerit innuttaasullu ataatsimooqatigiinneri Tiilerilaaq 25.000,00 24.499,60

Ullorsiornerit innuttaasullu ataatsimooqatigiinneri Kulusuk 60.000,00 48.380,17

Inassuteqaat/Inassuteqaatit

Nunaqarfinni aqutsisut inassuteqaatigaat:

Qinnuteqaat akuerineqassasoq.

Ilanngussaq/Ilanngussat

Qinnuteqaat paasissutissallu

Aalajangiineq

Qinnuteqaat tamarmiullutik akuerivaat.