29. marsip 2019

Oqarasuaatikkut kommunip allaffiani kl. 10:00

Oqaluuserisassat 5D-mik ilaneqarput.

 

  • Decembarimi Borgmesterimik ataatsimeeqqateqarnermi imaqarniliaq akuerisimavaa, ukioq mannalu marsimi ataatsimiinnermi imaqarniliaq utaqqillugu nalunaarutigaa.
  • 18. februar Kuummiini innuusuttuaqqat Otto aammalu Laura Taunajik peqatigalugit pulaarsimallugit nalunaaruteqarpoq. Kuummiini killiffik inuusuttuaqqallu oqaluuserissallugu siunertaasimavoq.
  • Ullumikkut politikkikkut ingerlatsineq matoqqalersimaqisoq, sulinerlu politikikkukkut nangeqqinneqartariaqartoq oqaatigalugu. Innuttaasunut politikkikkut malinnaatitsiniarneq qasungavallaartoq, tassuunakkullu nunaqarfinnut aningaasaliissutit atorluarlugit qaarmarsaaneq ingerlanneqarnissaaq kissaatigalugu.
  • Aalisarneq ukiup siulianiit pisassaqarneq aallavigalugu aallartiaarnerusoq oqaatigaa.

Ukioq mannamut aammalu aappaagumut 2020-mut siunnersuutigineqartut taamatut isikkoqartillugit akuerineqarput.

Qinnuteqaammi ullormiusiassat 15.000 kr.sut akuerineqanngillat. Taammatuttaaq ineqarnermut qinnuteqaatit 2500 kr.sut akuerineqaratik. Nerisaqarnermut qinnuteqaatit 3500 kr.sut akuerineqarput, taamaasilluni peqatigiiffik 3500 kr.nik taperneqarpoq

Qinnuteqaat massakkut akuerineqanngilaq, akiligissat annerpaat decembarimi akilerneqarsimammata misissorneqarnissaat kissatigineqarpoq.

Nunaqarfiinni saleersuartitsinerit:

Maajip allaqqaataaniit oktobarip tungaanut kommuni eqqakkanik katersuilluni aallartittarpoq. Nunaqarfinni Aqutsisut ullorsiornissaq sioqqullugu nunaqarfimmi suliassat pillugit pilersaarusiussapput.  

Kommuni saligaatsumut peqataasarpoq, soorlu assartuineq atortussallu eqqarsaatigalugit. Nunaqarfiit avataaniittut illuaqarfiit aamma torersarneqarnissaat kissaatigineqarpoq, soorlu aalisartut illuaraata eqqaanni. Oqaatigineqarpoq innuttaasunut qaarmarsaaneq ingerlattariaqartut, innuttaasut akisussaaffiit pillugit. 40.000 kr.nit nunaqarfinnu tmarlunnut avinneqassapput. Tiimit atorlugit inuit 2-3 Sermiligaami sulisinneqassapput. Kuummiini unnukkut innuttaasut katerisimaartinneqassapput aammalu eqqugassaqarumaarluni. 

Nunaqarfigisami illunik qalipattarialinnik qalipaaneq:

Innuttaasut namminneq kajumissutsiminnik peqataalluartariaqarput. Nunaqarfinni aqutsisut nammineq peqqissaarlutik suliarissavaat. Kajumissutsimik qalipaasinnaasut killeqarput. Utoqqarnik ikiunissamut pilersaarusiortariaqarpugut. Qalipaatit Stark aqqutigalugu pisiarineqassapput. Kommuni 30 % missaani akikillisaaviineqartarmat. Ataatsimiinnissap tullissaanut illut sorliit qalipanneqassanersut kikkunillu qulakkeerneqartariaqarpoq, eqqaammaneqassaarli takujuminarsaanissaq siunertarineqarmat.

Nunaqarfinni Iridiumimik pisineq:

Nunaqarfinni ataqatigiissaarisup isumagissavai.

Sermiligaami Iliveqarfiup ungaluata suliarinissaa:   

Kuummiini ungalu imikkuullarissuummata ilisimasallinniit suliarineqarnissaat pingaaruteqarpoq. Teknikkeqarfimmi suliassaq qaqinneqarumaarpoq, taasumallu kingorna kalerriiutigineqarumaarluni.