tilbage

Paamiuni najukkami ataatsimiititaq
Paamiuni Najukkamik Ataatsimiititaliaq


25. septembarip 2019

Kommuunip ataatsimiittarfiani kl. 16:15

Paamiuni Najukkamik Ataatsimiititaliaq:

Siulittaasoq, Lucia Møller-Grønvold

Siulittaasup tullia, Ulrik Mathiesen

Ilaasortaq, Jørgen Jakobsen

Ilaasortaq, Jakob Thorsen

Ilaasortaq, Hermann Hegelund

 

A: Pavillion

Betoncentrali pavillion ataatsip napparnissaanut neqeroorummik ulloq 26. august 2019 tunniussivoq. Neqeroorummi pavillionip ataatsip napparnissaanut kr. 88.700.- neqeroorutigineqarpoq, kr. 5.000.- sipporneqarsinnaalluni, atortussaasinnaasut qisuit allallu ilanngunneqanngitsooratarsinnaasut ilanngullugit.

Tuaviornarmat, ulloq taanna siulittaasoq ilaasortaqatigiinnut tusarniaavoq, siulittaasup tullia neqeroorummut akisuginnikkaluarluni akuersivoq,  taamatullu Jørgen Jakobsen akuerseqataalluni. Hermann Hegelund aamma Jakob Thorsen attaviginiaraluarlugit iluatsinngitsoorpoq.

Amerlanerussuteqarneq, taamatullu piaartumik pavillion napparneqarnissaa siunertaralugu neqeroorut taamatut isikkoqartillugu akuersissutigineqarpoq. Pavillion narsartami napparneqassaaq. Sinneri pingasut kingusinnerusukkut aningaasaliissutissanik ujartuereernikkut napparneqarsinnaaneri suliarineqarumaarput.

Ulloq 17. september 2019 Betoncentrali attavigineqarpoq, piaartumik napparneqarnissaa kissaatigalugu. Sumiiffissaa ilanngullugu nassiunneqarpoq. 

 

B: Siulittaasup immikkut akuersissutaa.

 

 

 

 

A: Tusaatissatut tguneqarpoq.

B: Imarsiornermi Iliniarfimmi atuartut nutaat tikinnerani aaqqissuussinermi kr. 2.000.- tapiisoqarnera taperserlugu, tusaatissatut tiguneqarpoq.

Ulloq 14 januari 2019 aningaasaqarnermik ataatsimiititaliaq ataatsimiinnerminni ukioq 2019-mut aningaasaliissutissat tamakkiisumik akuersissutigaat, immikkut oqaasertalernagit.

Ukioq 2019-mut aningaasaliissutaasut kr. 350.000.- ipput. Aningaasalliissutaasut ulloq 18. september 2019 killiffiat imatut isikkoqarpoq.

Atugassat:

Atuisimaneq:

Killiffik:

Kr. 350.000.-

230.368,93

350.000.-

Jubilæumsfondenimiit aningaasaliissutit 85.363,33 ilanngukkaanni aningaasat atugassat sinneruttut:

kr. 145.005,60

Pavillion akiligassaq ilanngaatigigaanni kr. 88.700,00 (+5.000)

Ukiup sinneranut Kr. 51.305,60

Tusaatissatut tiguneqarpoq.

Vinnie Sølvblad Najukkamik Ataatsimiititaliamut aammaarluni saaffiginnippoq, Tarajerterivikorsuit nutaamik aningaasaliisinnaasunik ujartuilerami. Aningaasaliisinnaasunik ujartuinermini pisariaqartippaa nunaqavissuniit tapersernerqarnissani (Aningaasataqanngitsumik). Aamma Najukkamik Ataatsimiititaliamiit.

Tamakkiisumik suliniut taperserneqarpoq.

Akuersaarneqarsinnaanngilluinnarpoq aasaq manna Paamiuni aqquserngit iluarsartuunnissaannut kr. 2.mio. kr immikkoortinneqarsimasut tunngavigalugit, maannakkumut aqquserngit suliarineqareernerini angusaq takullugu.

Pipassataavallaarput, tamakkiisumillu suliarineqarnissaat kissaatiginarluni.

Putut matuuginnakkat, piffissami sivikitsumi pissusitoqqaminnut ilinissaat ilimanarluni, taamatullu Brugsen-ip saavani kusananngilluinnartunik asfaltinik qallersuisimaneq akuerineqarsinnaanngilluinnartoq.

Najukkamik Ataatsimiititaliaq Sanarfinermut immikkoortortaqarfimmut/ ataatsimiititaliamut maalaarummik allagaqaasiussaaq.

Ulloq 19. september 2019, Paamiuni Eqqissinerup oqaluffia ukiuni 110-liissaaq. tamannalu tunngavigalugu Ulrik Mathiesen siunnersuuteqarpoq.

Ulrik Mathiesenip siunnersuutigaa oqaluffiup tungaanut seqersittartumik tunissuteqarfiginissaa, tamannalumi Ilagiit sinniisaasa taperserpaat.

Seqersittaatip qanoq akeqarsinnaanera, aammalu sumut innaallagissamut ikkunneqarsinnnanera suli misissorneqanngilaq. 

Ulrik Mathiesenip suliaq ingerlateqqissuaa, maannakkuugallartumillu kr. 5.000.- atugassaasinnaasutut immikkoortinneqarpoq.

Suliaq uterfigineqaqqissaaq.

Ulloq 24. september 2019 Taqqissuummi innuttaasut ataatsimiisinnerani ukioq 2020-mut aningaasaliissutissatut siunnersuutit katersorneqartut makkuupput:

* "Byfesti"

* Illoqarfik saligaatsoq, ukiumut marloriaq ingerlanneqartassasoq

* Aasiveeraq

* Illoqarfimmi unammiuaartitsineq, soorlu ungasissumut arpatitsineq il.il , illoqarfinni allanitut ingerlatitsineq

* Qaannamik unammisitsineq (Narsalik uterlugulu)

* Silami issiaviit ilallugit, aamma qaqqani

* Paamiut ukiuni 275 nalliortorsiornera atatillugu eqqaassutissaq ersarinnerulersillugu

* Blokkit igartaat kusasarlugit

* Pinnguartarfik Ulu aserfallatsaalillugu, eqqaanilu allanik pinnguartarfinik ilallugit

* Immami cykkilit ilallugit, pinnguartarfiillu pullattakkat silami atorsinnaasut amerlanerit

* Iliveqarfitoqaq salillugu sanningasullu aserfallatsaalillugit

* Iliveqarfitaami sanningasoq angisooq

* Paamiut "allagartarsuaq" qaqqap qaavani pilersillugu (Soorlu Hollywood)

* Apummik ilusilersuititsineq

* Narsartami ukiuunerani skøjtertarfilerlugu

* Mittarfiup tungaanut tasersuup eqqaa ilaqutariinnut samisaqartitsivittut piorsarlugu, illuaralerlugu.

Qulaani siunnersuutigineqartut ataatsimiinnermi eqqartorneqassapput.

 

Kinguarteqqikkallarneqarpoq, Taqqissuummi innuttaasuniit siunnersuutit eqqarsaatigilluaqqaarnissaat kissaatigineqarmat, taamatullu inuusuttut ulloq 10. oktober Klubbi Kallaleq-mi naapinnissaat, isumaallu tusaqqaarnissaat aamma kissaatiginarmat.

Innuttaasumiit siunnersuutigineqarpoq, illoqarfiup iluani eqqaaviit nutaat napparunnut ikkussuuttakkat, arsakoorfittallit pilerseqqullugit.

Sanarfinermut immikkoortortaqarfik/ Ataatsimiititaliaq allaffigineqassaaq, kissaateqarfigalugu illoqarfiup iluani eqqaaviit maannakkut atuuttut taarseqqullugit, meeqqat/ inuusuttat attarinagit uppitittuarmatigit.

Siunnersutigineqassaarlu eqqaaviit, soorlu napparunnut ikkussorneqarsinnaasunik taarsertinnissaat.

Hermann Hegelund Nuumminnermini Utoqqaat Siunnersuisooqatigiit ataatsimeersuarneranni peqataasimavoq, isumaqarporlu siunertamut paasinnissimaneq eqqunngitsuusoq, maangaanniillu ilaasortaqarnissaa kissaatigalugu. Aamma isumaqarpoq qaammarsaaneq annikippallaartoq iliuuseqarfigineqartariaqartorlu.

Paamiuni Najukkamik Ataatsimiititaliaq:

Siulittaasoq, Lucia Møller-Grønvold

 

Siulittaasup tullia, Ulrik Mathiesen

 

Ilaasortaq, Jørgen Jakobsen

 

Ilaasortaq, Jakob Thorsen

 

Ilaasortaq, Hermann Hegelund

Quppernerup imarisaa qanganitsersimava?

Quppernermut naqqiutissaqarpit?