Inuttaaffii

Inuttaaffippit piumasaqaatigaa, sulisut suliaminnut atatilugu suliniutaat soorlu aamma innuttaasut ilanngussisinnaanissaat aqqutigalugu naammassisaqarnissannut piumassuseqarnissat. Ulluinnarni ingerlatsineq immikkoortortaqarfinnilu ingerlaannartumik ineriartortitsinerup iluatsinnissaa isumagissagit. Aamma isumagisarivat sulisunut pitsaasumik sulinerup nalaani ajunngitsumik silaannaqarnissaa innuttaasunullu kiffartuussineq pitsaasoq isumagalugu. Aqutsisutut inissisimanerit pingaartippat aamma sulisunut maligassiornissat.

Akisussaaffigaatit:
  • Immikkoortortaqarfinni Ingerlatsinermut tunngatillugu naammasserusutat anguneqartarnissaat akisussaaffigaat suliassat eqqortumik ingerlarngi isumaqatiginninniutigeqqaarnagit
  • Immikkoortortaqarfinni suliassanut naammassinninnissaq ataqatigiissumik fagitigullu akimortumik arlalinnut tunngasunik ilassuteqassaatit
  • Aalajangiunneqartut suliarineqarnissaat kissaatigineqartullu malillugit naammassineqarnissaat
  • Suliffeqarfimmik pilersitsineq arajutsinianngissusermik ilisarnaatilik, qanoq ilisimasat nutaat periutsillu nutaat pitsaanerusunik naammassineqarsinnaanerinut ilanngussaqarnermik imalik
  • Sulisutit akisussaaffimmik tunillugit suliassaallu ilutigalugit pitsanngoriartortillugit

Immikkoortortaqarfimmi aqutsisup ilisarnaataa

Piginnaasaqarfik:

Suliffeqarfimmi politikkikkut aqunneqartumi sulineq

Piginnaasassat iliuuserisinnaasallu

  • Immikkoortortaqarfinni politikkikkut aalajangiunneqartut piviusunngortinnissaat illit isumagissavat
  • Illit immikkoortortaqarfinni suut pisut tamaasa tusagassiutitigut saqqummersinnaanissaat qulakkiissavatit
  • Politikkikkut aaqqissuussaanermiinnerit pillugu tatiginartumik pissuseqassaatit
  • Ilisimaarivat, nammineq isummatit inoqatinut attaveqaatit aqqutigalugit qanoq atussanersut
  • Suliffeqarfik pillugu oqaluttuat nuannersut allanut tusartissallugit peqataassaatit

Piginnaasaqarfik:

Aqutsisinnaanermut inissaqartitsineq

Piginnaasassat iliuuserisinnaasallu

  • Nammineq suleqatillu atuuffisi akisus- saaffisilu pillugit ersarissuliussaasi
  • Suliassanik agguaassillaqqissuuvutit taakkulu suliarineqarnissaat qulakkeertarpatit
  • Immikkoortortaqarfimmi sulisut piginnaasaat taakkununngalu atugassarititaasut tamakkiisumik takunnissinnaassuseqarfigaatit
  • Aaqqissuussaanermi pisortaqatigiit piffissaq pineqartillugu pingaartinnerussavatit aaqqissuussaanermi sulisut qaffasinnerusutut appasinnerusutulluunniit inissisimanerat apeqqutaatinnagu
  • Siunersiueqateqarlutillu isumasiueqateqassaatit suliavit suliarinerisa nalaani pitsaasumik naammassineqarnissaat pillugit

Piginnaasaqarfik:

Suliatigut aqutsineq

Piginnaasassat iliuuserisinnaasallu

  • Sulianut atatillugu pitsaassuseq qaffasissoq qulakkiissavat sulisunullu ataasiakkaanut suleqatigiinnullu ineriartortitsinermut periarfissanik takunnissinnaallutit
  • Qulakkiissavat, sulisuit suliassaminnut naammassiniaaneranni atugassarititaasut, aalajangersakkat sulinermilu atortussat eqqortut pigissagaat
  • Sulianut tunngatillugu takunnissinnaassuseqassaatit isumasioqatigiinnikkut coachingi atorlugu aamma akissuteqartarnikkut allat suliaannik ineriartortitsisinnaassallutit
  • Immikkoortortaqarfiit akimorlugit ingerlatsiviillu akornanni suliatigut ilisimasaqarluarneq aamma assigiinngitsunik suliallit suleqatigineranni oqimaaqatigiisissavatit
  • Qitiusumik sulianut tunngasut eqqartueqatigiinnikkut suliallu naammassinissaannut aalajangigassat pillugit sulisut peqataatittassavatit

Piginnaasaqarfik:

Susassaqarfiit akimorlugit aqutsineq

Piginnaasassat iliuuserisinnaasallu

  • Akisussaaffeqarfippit avataatigut isiginnissinnaassuseqarputit, suliatigut susassaqarfiit allat suliassat pillugit suleqatiginissaannut isumaqatigiissuteqarsinnaallutit
  • Suleqatigiiffinni ersarissaassaatit suliat, sumiissutsit aaqqissuusaanerillu assigiinngissusiat apeqqutaatinnagit nikingassuteqaraluartut suleqatigiinnermut atassuteqarneq pitsaasoq pilersissavat
  • Immikkoortortaqarfinnut tunngassutillit akornanni attaveqarnissaq isumagisariaqarpat sulianullu assigiinngitsunut ataqqinnissuseqarlutit suleriuseqassallutit
  • Immikkoortortaqarfinni allani aqutseqativit ikiornissaannut piareersimassaatit suliaannullu soqutiginnissallutit
  • Ilisimasatit agguaassinnaassavatit sulianullu iliuuseqarnikkut peqataallutit taakku pitsaanermik iluarsineqarnissaannut naammassineqarnissaat akimut suleqatigiinneq aqqutigalugu

Piginnaasaqarfik:

Pilersaarusiukkamik aqutsineq

Piginnaasassat iliuuserisinnaasallu

  • Sulisunut periusissiat isumaqarluartunngorlugit sulisaaseq anguniakkamut qanittoq paasinarsassavat
  • Sulisunut periutsit naleqquttut aqqutigalugit peqataatitsineq piginnittuuneq malitseqartitsinerlu qulakkiissavat
  • Periutsit ulluinnarni atorsinnaanngorlugit suliarissavatit innuttaasunut iluaqutaanissaat ersarissarlugit
  • Anguniakkat ilaat iluatsikkaangata ersarissartassavatit taamaalillutik sulisut akuerineqartutut piumassuseqarnerullutillu misiginissaat anguniarlugu
  • Periutsit atuutsilerneri malitseqartittassavatit sulisunuinnaanngitsoq aammali fagchefimut ersarissunik paatsoorneqarsinnaanngitsunillu akissuteqartarnikkut

Piginnaasaqarfik:

Attaveqatigiinnermut piginnaasat

Piginnaasassat iliuuserisinnaasallu

  • Sulisut isumaqatigiissutit akuerisat malinneraat pillugit malinnaaffigissavatit
  • Fagchefinit paasissutissat attuumassutillit ujartortassavatit
  • Suleqatigisanut innuttaasunut atorfilinnullu paasinartumik assigiinngissitaartumillu attaveqatiginnittassaatit
  • Sulisunik paasissutissat oqariartuutillu ingerlateqqittassavatit
  • Sulisut oqaloqatigiumasassavatit isumaat misilittagaallu eqqartornerini tusarnaarlugit

Piginnaasaqarfik:

Maligassiuineq

Piginnaasassat iliuuserisinnaasallu

  • Assigiinngissuseq inissaqartissavat aamma misiginneqataasinnaaneq takutissinnaassavat
  • Siuarsaassaatit unittoortitsinak
  • Suliassanik agguaassisinnaassaatit sulisunullu tatiginnittuullutit
  • Politikkikkut isummatit sulinerlu immikkoortissinnaavatit
  • Sulinerit sulisunnullu atatillugu ilumuussuseqarlutit soqutigisarivat

Quppernerup imarisaa qanganitsersimava?

Quppernermut naqqiutissaqarpit?