Innuttaasoq kinaluunniit, suleqatigiit peqatigiiffiillu sammisassanut suliniutinullu innuttaasunut aamma illoqarfimmi atuisunut sammitinneqartunut tapiiffigineqarnissamut qinnuteqarsinnaapput.

Nuummi Najukkami Ataatsimiititaliap kissaatigaa, innuttaasut, peqatigiiffiit attaveqaatillu suliniuteqartut Nuup illoqarfiata immikkoortui akimorlugit illoqarfiup ineriartortinneqarnissaanut akisussaaqataallutillu piginneqataasutut inissisimassasut.

Tapiiffigineqarnissamik qinnuteqaatit Nuummi najukkami ataatsimiititap qaammammut ataasiarluni suliarisarpai naliginnaasumik ataatsimiinnernut atatillugu. Ulloq ataatsimiiffiusussaq ullunik arfineq pingasunik sioqqullugu qinnuteqaat nassiunneqarsimassaaq. Ullut ataatsimiiffiusussat talerpiup tungaani takusinnaavatit.

Nuummi Ataatsimiititaliamit sammisassaqartitsinerit aningaasannannissamik siunertaqanngitsut tapersersorusuppai tulliuttunut tunngassuteqartut:

  • Najukkami ataqatigiinnermik inuunerinnissamillu nakussassaasut
  • Qanimut oqartussaaqataanermik innuttaasunillu peqataatitsinermik siuarsaasut
  • Oqaloqatigiinnermik attaveqaqatigiinnermik illoqarfigisami sumiiffiit inuinut, atuisunut, suliffeqarfinnut, ukiut, suminngaanneerneq allatigullu assigiinngissuteqarnerit apeqqutaatinnagit suleqatigiiffiullutillu pilersitsiffiusut
  • Illoqarfigisami innuttaasut akornanni, atuisut akornanni, suliffeqarfiit akornanni, ataatsimoortukkaani assersuutigalugu utoqqaat, meeqqat, angajoqqaat imaluunniit ataatsimoorfiusartut arlaatigut anguniagaqarlutik pitsaanerulersitsinissaq anguniarlugu sulissuteqartartut.
  • Kulturikkut, nipilersornikkut, timersornikkut eqqumiitsuliornikkut sunngiffimmilu sammisassaqartitsinikkut siunertarineqartut pitsaanerulersinnissaannut ineriartortinneqarnissaannullu tunngassuteqartut

Qinnuteqaatit suliarineqarneranni suliniutit tapiissuteqarfigineqartut assigiinngitsuunissaat kiisalu illoqarfiup immikkoortortaanut sisamanut agguataarneqarsimasut pingaartinneqassapputtaaq. Tamatumunnga Najukkami Ataatsimiititaliamit aningaasat tulliuttunut immikkoortinniartarpai: silamiinnerit, kulturi, timersorneq, peqqinneq isumaginninnermullu tunngasut.

Malittarisaq pingaarneq malillugu suliniut/aaqqissuussaq:

  • Ukiup matuma ingerlanerani ingerlanneqassaaq
  • Kipisuitsumik ataasiinnaasumilluunniit sunniuteqassaaq
  • Tamanut ammasuussaaq
  • Illoqarfimmi innuttaasunut tamanut nalunaarutigineqassaaq Nalunaarummi allassimassaaq sammisassaqartitsineq/suliniut Nuummi Najukkami Ataatsimiititaliamit tapiiffigineqarsimasoq

Tulliuttut tapiiffigineqarneq ajorput:

Lokaludvalget har vedtaget følgende begrænsninger for støtte:

  • Aaqqissuussaq pereersimagaangat tapiissuteqarnissamut qinnuteqartoqarsinnaanngilaq.
  • Inuit ataasiakkaat aaqqissuussaannut aamma sammisanut imigassamik aalakoornartulimmik sassaalliinertalinnut tapiissuteqartoqarneq ajorpoq
  • Tunngaviusumik suliniutinut piffissami aalajangersimasumi ingerlanneqartussanut kiisalu suliniutinut aallartinniarneqartunut taamaallaat tapiissuteqartoqartarpoq.
  • Suliniut/aaqqissuussaq inatsimmut, malittarisassanut il.il. allanut akerliussanngilaq.
  • Sammisassaqartitsinernut politikkimut tunngasunut kiisalu nalunaarutigineqareersunut tapiissuteqartoqarneq ajorpoq
  • Tulliuttunut ingerlatsinernut ataavartunut tapiissuteqartoqarneq ajorpoq: Taamaattorli suliniutit ataasiakkaat aallarnisarnerannut ataatsimiititaliaq tapiissuteqarsinnaasassaaq.
  • Paasiniaalluni angalanernut aningaasanik tapiissuteqartoqar

Tapiissutinik tunniussineq

Siumut tunniussisoqassappat qinnuteqartoq (qinnuteqartoq imal. inatsisitigut pisinnaatitaasoq pisussaatitaasorlu) aningaasanut akisussaatinneqassaaq, naatsorsuutit Najukkamit Ataatsimiititaliamit tigunissaasa akuerineqarnissaasalu tungaanut.

Aningaasaliissutit atorneqanngitsut, naatsorsuutit piareeriarpata, erngerlutik utertinneqassapput.

Ukiumi aningaasat tunniunneqarfianni sammisassaqartitsiniutit ingerlanneqassapput, sammisassaqartitsiniutillu naammassineraniit qaammatit marluk qaangiutsinnagit naatsorsuutit nassiunneqassapput.

Naatsorsuutinut ilanngullugu naatsumik nalilersornera nassiunneqassaaq. Naliliinermi naatsumik sammisassaqartitsinerup ingerlarnga, sunniutaata nalilernera, peqataasut amerlassusaat kiisalu assit saqqummiussat ilanngunneqassapput. Ilanngussat uppernarsaatitut nassiunneqarnissaat piumasarineqarsinnaavoq.

Qinnuteqarnermi piffissaliunneqarsimasoq malillugu suliniut qaammat ataaseq qaangiutsinnagu aallartinneqarsimanngippat, suliniummut akisussasoq/-sut akisussaasulluunniit Najukkami Ataatsimiititaliap Allatseqarfianut saaffiginnissaaq/saaffiginnissapput.

Nuummi Najukkami Ataatsimiititatmit tapiiffigineqarnissamut qinnuteqarfissaq uani aajuk.

Quppernerup imarisaa qanganitsersimava?

Quppernermut naqqiutissaqarpit?