Suliffeqarfimmi Kiffartuussineq

+299 36 70 00
kommuneqarfik@sermersooq.gl

Kuussuaq 2, PO 1005
3900 Nuuk

  1. at. - ping. 10:00-15:00
  2. sis. 12:00-17:00
  3. tall. 10:00-12:00

Paasiniaaffigilaarpassi. Ittoqqortoormiuni Umiatsialivimmi atuisut ukiumut Kr. 2.000,00 missaani akiliisarput umiatsialivimmi atuisarnerminni. Aperiniartungaana imannak taakku akiliutigisartagaat iluaqutigalugit umiatsialivipput nutarsarneqarsinnaanersoq, taamatullu nutaamik Kran-ilerlugu. Paasiniaalluarniaruma kimut pitsaanerussanerpa paasiniaaguma,, aasap ingerlanerani suliarineqarniassammat.


Administrationens svar

Asasara Kommunalbestyrelsimut ilaasortaq, Rolf Pike.

Siullermik apeqqutigisannut qujanarujussuaq.

Ulloq 16. apriili 2019, Ittoqqortoormiini Umiatsiaviliup ingerlanneqarnera pillugu apeqquteqaammik nassiussivutit. Sanarfinermut Avatangiisinullu ingerlatsiviup apeqqutigineqartut imatut ittut tiguai:

  1. Umiatsialiviup nutarterneqarnissaa periarfissaqarnersoq atuisunut akiliuteqartitsinikkut?
  2. Nutaamik kivittaasiisoqarsinnaava?
  3. Kina saaffigissavara suliassap aasap ingerlanerani aallartinneqarsinnaaneranut?

Apeqqutigisannut tunngavigivat Ittoqqortoormiini umiatsialivimmik atuisut ukiumut 2.000 koruuningajannik akiliisarmata, umiatsialivimmi inissamik peqarunik.

Sanarfinermut Avatangiisinullu Ingerlatsivik ima akissuteqarpoq:

Asasara Rolf,

Apeqqutigisannut qujanaq.

Umiatsianut kivittaat ukiut 2000 aallartinneraneersuuvoq umiatsiarfissaatillugulu atorluarneqartartoq. Kivittaat naammaginartumik pitsaassuseqarpoq atorneqaraangallu akuttunngitsumik misissorneqartarluni annikitsunik aaqqitassaqassappat, taniinermi ilaalu ilanngullugit. Kivittaat atortassagaanni ukiumut 1.800,-koruuninik akiliisoqartarpoq. Kivittaatip ingerlanneqarnerani aserfallatsaalineranilu aningaasartuutit piviusut matussusiisuunngillat tamatumunngalu tapertaannaallutik. Aasaru umiatsiarfissanngorpat paasinarsissaaq kivittaat annerusumik iluarsartariaanersoq imaluunniit nutaamik pisariinnerusumillu 2020-mi pisaartoqassanersoq.

Umiatsianik kivittaammut atatillugu umiatsianut inaalitsivik pilersinneqarnikuuvoq. Ullumikkut tassani 18 –20 missaannik umiatsiaqarpoq. Inaalitsivimmi umiatsianut inissaqassuseq killeqarpoq. Inissaqartitsinnginneq pissutaalluni qinnuteqaatit ataasiakkaat itigartinnissaat pisariaqarsimavoq.

Puttasuliinissaq umiatsiaatillit tungaanniit kissaatigineqarsimavoq. Kivittaatip apeqqutaanera killilersimaarniarlugu aammalu isumannaannerusumik niunissaq/ikinissaq eqqarsaatigalugit. 2017-p ingerlanerani puttasuliinissamik suliaq aallartinneqartoq 2019-mi aasaanerani inaarsarneqassaaq. Sissami tulattarfiit amigaataasut pilersinneqassapput puttasullu inissisimaffissaat kivittaatip eqqaaniittussaapput.

Ingerlatsivimmit sinerissap qanittuani aalisarnermik ingerlataqarnissamut pilersaarut sulissutigineqarpoq naatsorsuutaallunilu suliaq taanna ukiup matuma ingerlanerani naammassineqarnissaa. Tassunga atatillugu aaqqitassat qulaani taaneqartut ilanngunneqarsinnaassapput.

Inussiarnersumik inuulluaqqusillunga
Med venlig hilsen
Hans Henrik Winther Johannsen, Sanarfinermut Avatangiisinullu Ingerlatsivimmi Pisortaq